Аҟәа ақалақь ахадара аҵара аусбарҭаҟны ахəыҷбаҳчақəа рзы акомиссиа реилатәара мҩаҧысит.

13.06.2017
551

Сынтәа аҳҭнықалақь аҿы ахәыҷбаҳчақәа рахь ицараны иҟоу ахәыҷқәа рхыҧхьаӡара ашьақәыргыларазы  Аҟәа ақалақь ахадара аҵара аусбарҭаҟны  акомиссиа реилатәара мҩаҧысит.  

Аҟәа ақалақь аҟны 13 хәыҷбаҳча аус руеит. Урҭ рааӡамҭацәа рхыҧхьаӡара, иааизакны 2.382 ҩык ыҟоуп. Ахәыҷбаҳчақәа ирымаӡам алшара сынтәа арзаҳал алазҵаз аҭаацәа зегьы рхәыҷқәа рыдкыларазы, избанзар,  аҭыҧқәа рызхаӡом.

Уажәы акомиссиа иаӡбоит Аҟәа аҳабла ҿыц иаҵанакуа ахәыҷбаҳчақәа ҧшьба рахь арзаҳалқәа алазҵаз рус. Урҭ рхыҧхьаӡара 500 ҩык иреиҳауп. Ахәыҷбаҳчақәа рахь ирыдыркыло ахәыҷқәа 3 шықәса зхыҵуа Аҟәа ақалақь аҿы инхо роуп. Акомиссиа алахәылацәа зегь раҧхьаӡа иазгәарҭоит арзаҳал алазҵаз рҭаацәаратә, рсоциалтә ҭагылазаашьа. Аибашьра аинвалидцәа,  арепатриантцәа, астудентцәа рхәыҷқәа рус  раҧхьа ирыӡбоит.

Ахәыҷбаҳча «Ажәҵыс» ааӡамҭацәа рхыҧхьаӡара 190 ҩык рҟынӡа инаӡоит. Сынтәа ари ахәыҷбаҳчахь  арзаҳал алазҵаз зегьы, ахәыҷбаҳча иаднакылар алшоит.

Аҟәа ақалақь ахадара аҵара аусбарҭа аиҳабы Лиудмила Адлеиҧҳа иазгәалҭеит,  сынтәа ахәыҷбаҳчақәа рахь ирыдрымкылаз ахәыҷқәа рҭаацәа ргәы кармыжьырц,  урҭ рус иааиуа ашықәс азы  хымҧада ишыӡбахо.  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
58
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
55
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
41
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
105
19 Февраль 2018
129
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК