Ҳмилаҭтә шьапылампылтә команда Аҧсныҟа ихынҳәит.

13.06.2017
721

Ҳмилаҭтә шьапылампылтә команда  Аҧсныҟа ихынҳәит.  Аҩадатәи Кипр аҟынтәи аихшьаалақәа рыҟаҵаразы аинформациатә маҵзура “Спутник” имҩаҧнагеит апресс- конференциа.

Аҧсны ашьапылампылтә федерациа ахада Џьума Кәарцхьиа иазгәаиҭеит, Аҩадатәи Кипр имҩаҧысуаз ашьапылампылтә  хәмаррақәа рҿы ҳахәмарыҩцәа рхы бзиан аарҧшра шрылшаз, афинал азыбжахь анеиразы. Аха анаҩстәи ахәмаррақәа рҿы иманшәаламхеит. Афедерациа ахада иажәақәа рыла, ашьапылампыл аҿы иҟалалоит аиааира ануго, аха уажәтәи аҿы ҳкоманда аиааира азымгеит, ҳәа азгәеиҭеит апресс-конференциаҿы. Кипр имҩаҧысыз Конифа ашьапылампыл азы Европа ачемпионат аҿы, хаҭала ҳара ҳкоманда иаҳзыҧҵәаз аамҭақәа рзы, ишиашоу ицо аефир ала ҳуааҧсыра ахәмаррақәа зегьы рбаратәы аҟаҵара залмыршахеит, атехникатә мзызқәа  ирыхҟьаны, -  ҳәа азгәаҭан апресс-конференциаҿы. Иааиуа ашықәсазы Лондон имҩаҧысраны иҟоу ашьапылампыл азы адунеитә чемпионат иалахәхоит аҧсуа командагьы. Уи азы аҽазыҟаҵарақәа ирылагоит  хара имгакәа.

Есымша изалшом, доусы итәылаҿы ахәмаррақәа рымҩаҧгара аиҿкаара. Убри азы бзиа иубо акоманда ахәмарра алҵшәақәа  рыхәаҧшразы иара ахьымҩаҧысуа уцароуп, убас ҟазҵаз иреиуоуп Аҧснынтәи ицаз ашьапылампыл абзиабаҩцәагьы. Аҧсны ашьапылампылтә команда асҩы Дмитри Кәартаа, иажәақәа рыла, Аҩадатәи Кипр ианыхәмаруаз аамҭазы, атрибунақәа рҟны иаҳа улаҧш иҵашәоз ракәын аҧсуа бираҟ зкыз ауаа.
Иара убасгьы апресс- конференциаҿы иҳәан,  Конифа  аартреи  аркреи  аҩаӡара лаҟәны ишымҩаҧысыз. Избанзар, ашьыпылампыл асра дара уи аҟара ирылаҵәаны иҟаӡам, ҳара ҳҟны акәзар,  зынӡа даҽакала иазнеит уи аиҿкаара, иаҳа иахьаҳзааигәоу азы, ҳәа азгәаҭан ашьапылампыл асыҩцәа рҟынтә, ажурналистцәа рызҵаарақәа  рҭак ҟаҵо. Анаҩс иҳәан, ахәмарраан, ишыҟалалоз имаҷымкәа ахәрақәагьы. Аҧсны ашьапылампылтә команда иацыз аҳақьым иакәымызҭгьы, асыҩцәа рыбжаҩык ашьапылампылтә дәахьы ақәлара рылымшаргьы ҟаларын. Амилаҭтә команда рыхәмаррақәа рзы аихшьаалақәа ҟаҵо,  иазгәарҭеит, Аҧсны ахьӡ адунеи иадыруаны иҟаларц азы  ирылшо зегь шыҟарҵало раҧхьаҟагьы.

Наала Чхьынџьериаҧҳа, Алықьса Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
5
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
21
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
13
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК