Пицунда-Мысратəи аҳəырҧсарра.

14.06.2017
402

Пицунда- Мысратәи аҳәырҧсарраҿы иҟоу аҭагылазаашьа рбарц, насгьы закуанла иазылху аҳәаа ашьақәыргыларазы иҟаҵатәу еилыркаарц, гәыҧҩык Аҧсны Жәлар Реизара адепутатцәеи, аспециалистцәеи Пицунда ақалақь иаҭааит.

Аҧсны Жәлара Реизара адепутатцәа азҿлымҳан Пицунда -Мысратәи аҳәырҧсарра аҳәаақәа узырбо ахсаала иҟоу -иҟаму . Аҳәырҧсарра аиҳабы Даур Џьергьениа адепутатцәа акыршықәса зхыҵуа ахсаала дирбеит. Адепутатцәа ирҳәеит, ари ахсаала рхы иархәаны аҳәырҧсарра аҳәаа ылыргар шалшо атәы. Анаҩс адепутатцәа аҳәырҧсарра иалсны ирбеит, игәарҭеит акыршықәсақәа раҧхьа аҳәаа ахьыҟаз аҭыҧқәа. Иуҳәар алшоит, Пицунда - Мысратәи аҳәырҧсарра аҿы аҭагылазаашьа уадаҩуп ҳәа . 

Араҟа закуандарыла аҳәырҧсарра аҳәааҿы аргыларақәа ишырҿыц ирҿуп. Иара уаналсуа иумбарц залшом ана ара акаҳуажәырҭақәа риҿкаара ишаҿу. Акык ҩбак амшын аҧшаҳәаҿы игылазаргьы, аҧсшьарҭатә ҭыҧқәа аҳәырҧсарра иахьаҵанакуа ауп иахьазгәаҭоу. Аҳәыраҧсарра улымсыкəа амшын аҧшаҳәахьы узнеиӡом. Арантәи ицо амашьынақәагьы рхыҧхьаӡара маҷым. Аекологцәа ирҳәоит, аханатә араҟа амашьына ааиртә амҩа зыҟарҵаз амцарцәаҩцәа рзы шакәыз, аха иахьа азакуанқәа зегьы еилаганы изҭаху ишиҭаху дааиртә алшара имоуп. «Иаарласны ари азҵаара ӡбамхар аҭагылазаашьа уадаҩхоит, иҳәеит АЕКОЛОГИЕИ АҦСАБАРА АХЬЧАРЕИ РЗЫ АҲӘЫНҬҚАРРАТӘ ЕИЛАКЫ АХАНТӘАҨЫ ИХАҬЫҦУАҨ Мурман Саломка . 

Адепутатцәа аҳәырҧсарраҿы агәаҭарақәа анымҩаҧыргоз аамҭазы, амашьына ду ахаҳә ақәҵаны аҳәырҧсарра ишҭалоз иақәыркит . Аҧшәма икаҳуажәырҭа амшын аҧшаҳәаҿоуп иахьгылоу, аха аҳәыраҧсарра дылымскəа иргыларатә маҭәахәқәа уахь изнагом. Араҟа ус еиҧш иҟоу афактқәа рацәоуп. Адепутацәа ирҳәеит, ирбаз ираҳаз аҟынтә имаҷымкəа алкаақәа шыҟарҵаз, аҳәырҧсарраҿы иҟоу аҭагылазаашьа арҽеиразы лассы аусурақәа шхацырктәу. Мап анакәха, араҟа изызҳауа аҵлақәа аҧхасҭа ду роур шалшо. Жәлар Реизараҿы иаҧҵоу аграртә политикеи, аекологиеи рзы аилак аиҳабы Асҭамыр Ҭарба иҳәеит, аамҭа кьаҿк иалагӡаны ашәҟәқәа шаздырхио, зда ҧсыхәа ыҟам аҭыҧқәа рҿы аҳәаа алганы аанда ақәыргылара нап алакхарц азы аҳәара шыҟарҵо.

Пицунда -Мысратәи аҳәырҧсарра аиҳабы Даур Џьергьениа иазгәеиҭеит, 66 шықәса раахыс араҟа аанда шыҟарымҵац, иаанханы иҟоу ашьаҟақәа шаҳаҭра руеит анкьа араҟа аҳәаа шыҟаз, –иҳәоит иара . Аҧхынтәи аамҭа иалагӡаны, Пицунда ақалақь иаҭаауа аҧсшьаҩцәа рхыҧхьаӡара маҷым, урҭ рҭахрақәа рхарҭәааразы имҩаҧгатәу аусурақәагь рацәоуп, зегь раҧхьа игылоу ацқьара, аха уи араҟа иацәмаҷызшәа аабеит. Аҧсны Жәлар реизара адепутатцәа аҧхьаҟагьы аиҧш зеиҧшу аусуратә ныҟәарақәа мҩаҧыргараны иҟоуп егьырҭ Аҧсны акурорттә ҭыҧқәа рахьгьы. 

 Фатима Гьергьиаҧҳа, Ҭимур Гогохьиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
103
19 Февраль 2018
123
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК