Ашәахтәқәеи Аизгақәеи рзы аминистр Даур Кәырмазиа "АРСМИРА" апресс-центр аҟны имҩаҧигеит апресс-конференциа.

14.06.2017
636

Ашәахтәқәеи  Аизгақәеи  рзы аминистр  Даур  Кәырмазиа  «Арсмира » апресс- центр аҿы имҩаҧигаз апресс-конференциа аҟны дрылацәажәеит  ашәахтә маҵзура инанагӡаз аусурақәа ртәы.

Аминистр  Даур  Кәырмазиа ашәахтәқәа русура атәы инарҭбааны дазааҭгылеит апресс-конференциаҿы . Аҧхынтәи аамҭа, зегь раасҭа абиуџьет аҧара анҭало  иаамҭоуп, ҳәа иҧхьаӡоуп. Уи иҳәеит,  Аҧсны иҟоу анаплакқәа , аҧсшьарҭатә  ҩнқәа , акрыфарҭақәа, аекскурсиатә  фирмақәа уҳәа убас егьырҭгьы  аҳәынҭқарра   абиуџьет  хазырҭәаауа анаплакқәа   ашәахтә  маҵзура ахылаҧшра шрырҭо ,  насгьы уи ашәара иацәхьаҵуа шырацәоу . Аҧхынтәи  асезон рҽазыҟаҵо, акурорттә қалақьқәеи араионқәеи рҿы  имҩаҧган аҧсшьаҩцәа здызкыло асасааирҭақәеи аҧсшьарҭатә ҩнқәеи ашәҟәы ранҵара, урҭ рнапхгаҩцәа ашәахтә ашәара иацәхьамҵырц  азы.   Иарбан наплакызаалакгьы, иршәо ашәахтәқәа аҳәынҭқарра абиуџьет иҭалоит абанктә  система ала . Ашәахтә усбарҭақәа  ахылаҧшра  рзыруеит урҭ анаплакқәа ашәахтә  закәанҧҵара  еиларымгарц  азы .

Иаҳхысыз ашықәсаз , аҳәынҭқарратә биуџьет иҭалеит 2 млрд мааҭ инарзынаҧшуа аҧара , сынтәа уи 3 млрдк    рҟынӡа инаӡап, ҳәа дақәгәыҕуеит Даур Кәырмазиа . Насгьы уи иаликааит  зегь  раасҭа  ашәахтәқәа  зшәо  анаплакқәа . Убарҭ иреиуоуп   –“Роснефть” , “Амобаил” , “Аҟәафон”, «Аҧсны  Аҩқәеи  аӡқәеи », Пицунда акурорт уҳәа убас  егьырҭгьы анаплакқәа .

Даур  Кәырмазиа  иҳәеит  ,ишыҟоу   ауал  зқәу анаплакқәа, уи ахыҧхьаӡара  437 млн мааҭ рҟынӡа инаӡоит.Насгьы инарҭбааны далацәажәеит, Аҧснытәи  аҧсыӡтә  зауад  иаланагало  ашәахтә  акырӡа  ишеиҵахаз атәы .

Ашәахтәқәеи аизгақәеи  рзы аминистр Даур Кәырмазиа иҳәеит, ашәахтәқәа иарбан наплакызаалак ашәара шрыхәҭоу уи азакәанҧҵара инақәыршәаны .

Д. Гьергьиа.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
34
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
42
Иара Аҧсны амилаҭтә олимпиатә еилакы аҿы  адныҳәаларақәа идикылон
35
Убри инамаданы имҩаҧган афонд ахаҭарнакцәа злахәыз апресс-конференциа.
51
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК