Ақалақь амҩадуқəа.

14.06.2017
600

Аҧхынра аламҭалазы Аҧсны амҩадуқәа рҟны амашьынақәа рхыҧхьаӡара иацлеит. Еиҳаракгьы акурорт қалақьқәа рҟны, ҳәарада аҳҭнықалақь аҿгьы. Изеиҧшрозеи Аҟәа амҩадуқәа рҭагылазаашьа? Изыргәамҵуазеи амашьынарныҟәцаҩцәа?

Аҳҭнықалақь иахьаҵанакуа амҩақәа рҭагылазаашьа еиҧшым џьара аиҭашьақәыргыларатә усмҩаҧгатәқәа хыркәшазар,иҟоуп   иахьатәи аамҭазы, арҽеирақәа ахьхымҧадатәиу.  Амҩадуқәа рҭагылазаашьа аиҧшымзаара иахҟьаны,  ҭыҧқәак рҿы  ажрақәа каҭранла рҭырҭәаара азхозар, егьырахь инеизеиҧшны акаҭран  ықәҵатәуп.

Ҳәарада  амҩақәа рҭагылазаашьа амашьынаныҟәцаҩцәа ауадаҩрақәа маҷымкәа ирызцәырнагоит. Дара  ирҳәоит, амҩадуқәа рҟны лассы-лассы иуҧыло, иҵаулоу ажрақәа рмашьынақәа аҧхасҭа шырнаҭо атәы.

Аҳҭнықалақь аҟны зҭагылазаашьа рҽеитәу амҩақәа шырацәоугьы, иазгәаҭатәуп, ааскьа аиҭашьақәыргыларатә усурақәа шымҩаҧгаз аџьырмыкьа хадахь уназго  Арӡынба имҩаду аҟны. Иаарласны аҳҭнықалақь аҩныҵҟа амҩақәа рҭагылазаашьа аиҕьтәразы гәҭакыс ирымоу атәы аилкааразы ҳҭыхратә гәыҧ адҵаалеит Аҟәа Ақалақь ахадара. Уаҟа изларҳәаз ала, амҩақәа рырҽеиразы аамҭа-аамҭала  рымч зықәхо аусурақәа мҩаҧыргоит, аҧхьаҟагьы  урҭ рыцҵара гәҭакыс ирымоуп.  

Иҟоуп  ареспубликатә ҵакы змоу амҩақәа, иаагап Лакоба, Ешба ,Арӡынба рымҩадуқәа,  урҭ реиҭашьақәыргылара знапы иану аҳәынҭқарратә еилахәыра «Аҧснавтомҩа» ауп. Дара ареспубликатә ҵакы змоу амҩақәа рыҟаҵаразы ашәҟәқәа еиқәдыршәоит.

«Аҧснавтомҩа» ахаҭарнакцәа излаҳарҳәаз ала, аинвестициатә программа инақәыршәаны,  амҩақәа реиҭашьақәыргыларатә усурақәа анхыркәшахалак, иазгәаҭоуп   атротуарқәа аплитақәа рықәҵара ахацыркра.

Амра Зарандиаҧҳа,Беслан Чхьынџьериа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
20
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
15
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
9
17 Август 2018
14
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
10
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК