Тҟəарчал ақалақь агəаны еиҭаҳау аҵиааҵлақəа ааха рырҭоит арахə.

14.06.2017
573

Тҟәарчал ақалақь Владислав Арӡынба ихьӡ зху амҩаду аҟны имҩаҧысуаз аиҭашьақәыргыларатә усурақәа хыркәшоуп. Иаанхаз аҵиаақәа рыла арҧшӡароуп. Амҩаду аҿықәқәа рҟны еиҭаҳауп Италиантәи иаагаз акипарисқәа. Арҭ аҵлақәа аҧхасҭа рырҭеит ақалақь иалоу арахә.

Ақыҭараҿы арахә ашәахә, рааӡара анхаҩы ибзазараҟны зда ҧсыхәа ыҟам акоуп. Аха  ақалақь аҿы урҭ ранҵара ауадаҩрақәа ацуп. Ааигәа, Тҟәарчал ақалақь амҩадуқәа ирхадоу аҟны аиҭашьақәыргыларатә усурақәа хыркәшан. Владислав Арӡынба ихьӡ зху амҩаду аҟны иқәырҭәан акаҭран, иргылан алашарбагақәа, еиҭаҳан италиантәи иаагаз  акипарис ҵлақәа. Урҭ ахарџь маҷымкәа ирыхҭынҵоуп. Хылаҧшрада ақалақь иалаз арахә аҵлақәа аҧхасҭа рырҭеит.

Араион ахада лажәақәа рыла, аҧхасҭа зауз аҵлақәа ҩар,  аҧхьаҟа ҿыц еиҭаҳатәхар алшоит . Убри аҟынтә ақалақь ауааҧсыра рахь еиҭахгьы ааҧхьара ҟарҵоит излалшо ала арахә ашәахә анҵаны измоу ақалақь иалармыжьлаларц. Ауаа ҳанрыҿцәажәоз иҳарҳәеит, ахатәы ҩынқәа змоу рырахә ахкаарақәа рахь ирышьҭыртә аҭагылазаашьа шрымоу. Иҟоуп анхацәа зырахә аҳаракырақәа рахь ихазцалогьы. Аха реиҳарак  ақалақь иалоуп.

Ақалақь амҩадуқәак рҟны иҟоу аиҭақрақәа ауааҧсыра агәахәара рнаҭоит, убри аан ргәы иаланы ирҳәоит ,ақалақь иалоу аҧстәқәа  аҧхасҭа ду шыҟарҵо.

Тҟәарчал араион ахада Аида Чачхалиа иазгәалҭеит, амҩаду ахаҿра арҧшӡаразы еиҭарҳаша аҵиаақәа аанханы ишыҟоу, урҭ рзы аусурақәа нап дыркхоит иаарласны, убри аҟнытә лара аҳәара ҟалҵеит, арахә анҵаны измоу ауааҧсыра рахь – рырахә ақалақь азааигәара иоурмышьҭларц.

Асмаҭ Шьакаиа, Асҭамыр Гәажәба,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
123
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
130
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
101
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК