Агəыҳалалратə акциа "Шьак ауп иҳалоу".

14.06.2017
366

Аҧсны агәабзиарахьчара аминистрреи, Аҿартә политиказы аҳәынҭқарратә еилаки, аинформациатә маҵзура Sputnik Аҧсныи, Аҟәатәи ареспубликатә хәышәтәырҭа иаҵанакуа ашьаҵәахырҭа хада аҟны еицымҩаҧыргеит агәыҳалалратә акциа «Шьак ауп иҳалоу». Уи рҽаладырхәыр рылшон жәаа шықәса инаркны ҩынҩажәи жәохә шықәса рҟынӡа зхыҵуа.

Жәларбжьаратәи ашьаҭаҩ имш аҽны, Sputnik Аҧсны анапхгара ирыӡбеит, акциа, аинформациатә цхыраара аганахь адгылара аҭара адагьы, хаҭала ршьа аанрыжьырц ашьаҵәахырҭатә уадаҿы. Sputnik Аҧсны апресс- маӡаныҟәгаҩ  Милана Возба иазгәалҭеит, апроцедура  ахьаа шацым. Урҭ рышьҭахь, ауааҧсыра рҟынтә раҧхьа ашьа азҭаз лоуп Ниура Зарандиаҧҳа. Лара лашьа ахәышәтәырҭаҟны дышьҭоуп. Ацхыраара иҭахуп.  Ашьа аҭара ахәҭоуп ҳәа  азылыҧхьаӡоит, ауаҩы акы данаргәаҟуа излаулшо ала ицхраалатәуп, лҳәоит лара.
Акциа аиҿкаараҿы игылаз руаӡәк Аҧсны аҿартә хеилак «Аҧсны ҿа» ахантәаҩы Анри Гәадалиа иажәақәа рыла, ас еиҧш иҟоу акциа раҧхьаӡа акәны имҩаҧган ҩнызқьи жәаҩа шықәсазы, “Аҧсны ҿа” ахеилак аҧшьгарала. Рҩыза аҭагылазаашьа уадаҩ данақәшәа, ашьа аиуразы ауадаҩрақәа анцәырҵ ирыӡбеит ауаа ирыхәаша ус бзиак аҟаҵара. Уи нахыс шықәсык ахь знык иадамхаргьы арахь иааны ашьа арҭаларц рыӡбеит. Иара иазгәаиҭеит, ҳазҭагылоу аамҭазы, ашьа иаргәаҟуа ауаа шмаҷым.

Аҟәатәи ареспубликатә хәышәтәырҭа иаҵанакуа ашьаҵәахырҭа хада ахь ашьаҭаразы иаҭахуп шьыжьнаҵы акрыфара. Адонорс дҟалар ауеит изҭаху. Аха ,убри аан  ҩынажәи жәаба шықәса  иреиҳаны изхыҵуа, ишьа агара залшаӡом. Избанзар, амедицинатә ҧҟарақәа ирықәшәаӡом.

Ашьаҵәахырҭа абанк хада аҧҵоижьҭеи араҟа ҳақьым хадас аус луеит  Инга Шьакаиаҧҳа.  Лара лажәақа рыла, ашьаҭара иаҵоу акәамаҵама аилкаара, Аҧсны ауааҧсыра рыдагьы, адунеи иқәынхо зегьы ируалуп ҳәа азылыҧхьаӡоит. Ашьаҭаҩы, агәаҟра иақәшәаз ауаҩы иара ихаҭа изымдыруа дицхраауеит. Иҧсы еиқәирхоит.  

Аҳақьым лажәақәа рыла, зықьҩык ауааҧсыра иахәҭоу шьала реиқәыршәаразы ҩынҩажәа ҩык  адонарцәа аҭахуп, убри аан аҳақьым илҳәоит урҭ акадртә донарцәа ҳәа ишрышьҭоу, дара  ргәабзиара аҧырхага амҭақәа хынтә ҧшьынтә ирылшоит донорс аҟалара. Иара убасгьы аҳақьым лажәақәа рыла, инеиҧынкыланы ашьа зҭиуа ауаа ргәабзиара еиҳа еиҕьуп. Рцәеижьхәҭаҿы аҽеиҭакрақәа ахьымҩаҧысуа азы. Ашьаҭира апроцесс  ҩажәа минуҭ аҟара уагоит. Убри аан уазхәыцуеит, аҭагылазаашьа бааҧсы иақәшәаз аӡәы  уцхыраара дшазыҧшу атәы.

Наала Чхьынџьериаҧҳа, Асҭамыр Гәажәба, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
83
19 Февраль 2018
119
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
123
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
150
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
117
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
145
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
148
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК