Ҩеижәи хәба шықәса ҵит Аҧсны аҳәынҭқарратә хьчара амаҵзура еиҿкаауеижьҭеи.

15.06.2017
622

Ҩеижәи хәба шықәса ҵит Аҧсны аҳәынҭқарратә хьчара амаҵзура еиҿкаауеижьҭеи. Ари арыцхә инамаданы, атәыла ахада Рауль Ҳаџьымба амаҵзура аусзуҩцәа дрыдныҳәалеит.

Аҳәынҭқарратә хьчара амаҵзура ахаҭарнакцәа ашәҭқәа шьҭарҵеит Аҧсны жәлар рџьынџьтәылатә еибашьра аан иҭахаз аҧсадгьыл ахьчаҩцәа АҞәатәи рбаҟа амҵан , иара убасгьы Аҧсны Раҧхьатәи Ахада Владислав Арӡынба анышә дахьамадоу Ешыратәи ахьӡырдәы аҟны, Аҧсны аҩбатәи Ахада Сергеи Багаҧшь анышә дахьамадоу Џьгьарда ақыҭантәи ибаҟа амҵан.

Аҧсны Аҳәынҭқарратә хьчара амаҵзура еиҿкаан ареспублика Иреиҳаӡоу Асовет ахантәаҩы Владислав Арӡынба идҵала. Раҧхьа уи анапхгаҩыс дыҟан Алмасбеи Кчач. Аҧсны жәлар рџьынџьтәылатә еибашьра анцоз аҳәынҭқарратә хьчара амаҵзура аусзуҩцәа рахь ҩынҩажәи жәаба процент инареиҳаны афронтқәа рҿы иҟан. Имаҷҩым фырхаҵарала Аҧсадгьыл ахьчара зхы ақәызҵаз. Иара убасгьы аиааира ашьҭахьгьы рмаҵзуратә уалҧшьақәа шынарыгӡоз иҭахахьан ари амаҵзура афицарцәа. 

Аҳәынҭқарратә хьчара амаҵзура еиҿкаауижьҭеи ҩажәи хәба шықәса аҵра аҳаҭыр азы атәыла Ахада иҟаиҵаз адныҳәаларатә шәҟәы даҧхьеит атәыла Ахада ихаҭыҧуаҩ Витали Габниа. Аҳәынҭқарратә хьчара амаҵзура иахьагьы инанагӡоит акыр ихадоу аус. Дара роуп изыхьчо иреиҳаӡоу аҳәынҭқарратә маҵзурақәа назыгӡо, убасгьы аҵак ҷыда змоу аҳәынҭқарратә хыбрақәа. Урыстәыла афедералтә хьчара амаҵзура аиҳабы Аҧснытәи иколлегацәа рыхьӡала иааишьҭит адныҳәаларатә шәҟәы. Уи даҧхьеит афедералтә хьчара Кавказтәи аҟәша аиҳабы Сергеи Кравченко.

Аиубилеи амш аҽны Аҧсны аҳәынҭқарратә хьчара амаҵзура ахаҭарнакцәеи, асасцәеи ашәҭқәа шьҭарҵеит Аҧсны жәлар рџьынџьтәылатә еибашьра аан иҭахаз Аҧсадгьыл ахьчаҩцәа Аҟәатәи рбаҟа амҵани, Аҧсны Раҧхьатәи Ахада Владислав Арӡынба анышә дахьамадоу Ешыратәи ахьыӡрадәыи, Аҧсны аҩбатәи Ахада Сергеи Багаҧшь анышә дахьамадоу Џьгьардатәи ибаҟеи рҟны. 

Инаҧшьба, Алықьса Агәхаа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
19
Уи абзоуроуп аилахәыра «Аҟәафон » иҟанаҵаз афинанстә цхыраара .
21
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
35
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК