Амилаҭтə библиотекаҿы иӡырган "Тамшьи Тамшьааи" захьӡу ашəҟəы.

15.06.2017
652

Иван Папасқьыр ихьӡ зху амилаҭтә библиотекаҿы лассы-лассы имҩаҧыслоит еиуеиҧшым авторцәа рышәҟәқәа рӡыргара.  Уажәазы иӡырган  «Тамшьи Тамшьааи»  захьӡу  ашәҟәы. Уи авторс дамоуп  зыҧсҭазаара иалҵхьоу Ахьӡ- аҧша  аорден ахҧатәи аҩаӡара занашьоу, аҳәынҭқарратәи, ауаажәларратәи усзуҩ Мақсим Таииа-иҧа Барганџьиа.

Ашәҟәы аҭыжьра алыршахеит  автор изааигәаз ауаа рыла.

Зыҧсадгьыли зыуаажәларри рзы зхы иамеигӡоз, дреиуан иахьатәи агәаларшәаратә хәылҧазы зызкыз, Тамшь ақыҭа иалиаааз, аҳәынҭқарратәи, ауаажәларратәи усзуҩ  Мақсим Таииа- иҧа Барганџьиа. Ичымазара иахҟьаны идунеи иҧсахит ҩнызқьи аа-шықәса рзы. Аӡыргара ихадоу ахәҭахьы ииасаанӡа, еизаз зегьы минуҭқтәи аҿымҭрала дыргәаладыршәеит Тамшьаа рҵеи  Мақсим Барганџьиа. Тамшьаа ирызкны автор еидикылоз анапылаҩырақәа шәҟәны аҭыжьра дахьымӡеит. Ашәҟәы аӡыргара иблала ибартә еиҧш изыҟамлеит. Араҟа иқәгылаз, амилаҭтә библиотека аиҳабы Борис Ҷолариа иазгәаиҭеит, ашәҟәы автор иусумҭа ицхыраагӡа дуны ишыҟало, Тамшьаа  рҭоурых аҭҵаараҿы.

Мақсим Таииа- иҧа ҩнызқьи хы-шықәсанӡа аус иуан аҳәынҭқарратә шәарҭадара амаҵзура ахантәаҩы ихаҭыҧуаҩыс. Ихадаратәу иус адагьы, иҧсҭазаара аҵыхәтәантәи ашықәса рзы,  иқыҭа гәакьа иалҵхьаз, зыҧсадгьыл ахьӡ ҭызгахьаз ирызкны, аинформациа аизгара инапы алаикуеит. Аҧхьаҟа шәҟәны иҟалараны иҟаз аҿы хаҭала рыӡбахә ҳәоуп, актәи аднеизегьтәи аибашьра иалахәыз, Сталинтәи арепрессиақәа ирықәшәоз, аҧсҭазаараҿы еиуиеҧшым алахьынҵақәа зауз, ақыҭа еиднакылоз ауаа. Мышкы ҩымш рыла изыҟаҵоз акәӡамызт ари, ҩнаҭа цыҧхьаӡа днеины аинформациа еизигон ҳәа игәалаиршәоит   ашәҟәы автор иашьа еиҵбы Валери Барганџьиа. Иара иазгәаиҭеит, дызҭахыз зегьы иқыҭауааи иҩызцәеи,шеигәырҕьаз ашәҟәы  аӡыргара ахьалыршахаз.

Ахьӡ аҧша ахҧатәи аҩаӡара  занашьоу Мақсим Таииа- иҧа ҩышықәса инеиҧынкыланы  аматериалқәа реизгара даҿын. Тамшьаа дрыҿцәажәаны, урҭ ргәалашәарақәа ақьаад ианиҵон, ҭакҧхықәрала дазнеиуан, иҭахын урҭ агәалашәарақәа  зегьы шәҟәны   иҭижьырц. Иара дыҟам аха, иахьа иҳамоуп алшара уи ашәҟәы ҳхы иархәаны уи ианылаз аҭоурыхқәа  ҳнырыртә еиҧш, -  ҳәа азгәаҭан аӡыргараҿы. Автор аматериалқәа  реизгараан дицхрааит  иқыҭантәи  Иури Нарманиа. Иара иҳәеит, Мақсим Барганџьиа аус ицура шыманшәалаз, рҳәоу шеиқәшәоз атәы. Иазгәаиҭеит, автор иуаҩреи иламыси зегьы дшырзааигәанатәуаз.
Мақсим Барганџьиа илшеит иқыҭа иалиааз абиҧарақәа рхаҿсахьақәа раарҧшра. Урҭ  ирхыргаз амыҟәмабарақәа аҭоурых иазынхартә еиҧш  аҟаҵара. Иара убасгьы иазгәаҭатәуп, шәҟәык ала Тамшьаа ирызкны аинформациа аарҧшра  шзалымшо. Иаанханы иҟоуп иҵегьы  аматериалқәа аҽа шәҟәыкны   еидукалаша.

Наала Чхьынџьериаҧҳа, Беслан Чхьынџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
41
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
114
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
98
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
140
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК