«Гранд Афон» захьӡу, зыҩаӡара ҳараку аҧсшьарҭа ҩны аатит Афон ҿыц ақалақь аҿы.

16.06.2017
417

«Гранд Афон» захьӡу,  зыҩаӡара ҳараку аҧсшьарҭа ҩны аатит Афон ҿыц ақалақь аҿы. Бжьеихагылак змоу аргылара ҳаамҭазтәи аҭахрақәа зегьы ирықәшәоит, иара  ҭыҧс  иазалхыуп еицырдыруа аӡхыҽҽа аҿаҧхьа. Ари адунеизегьтәи асасааирҭақәа ирышьашәалоу «Гранд Отель» аартра иалахәын хыҧхьаӡара рацәала асасцәа.

Абас, ишаҧу еиҧш,  ацаха ҟаҧшь ахҵәарала иаатит аотель ҿыц «Гранд Афон». Иҿыцуп зегь рыла – адизаин инаркны, аҟаҵашьа ахаҭабзиара аҟынӡа. Ажәакала, даҽа ргыларк еиҧшым. Уи   азы  акәхап уи ус ҳтәыла асасцәа заднаҧхьалогьы. Бжьеихагылак змоу ахыбраҿ зегьы ыҟоуп аҧсшьара ибзианы ахгаразы. Иҭбаау илашоу ауадақәа ракәзар, даара иманшәаланы иҟаҵоуп. Ахыб аҿы абассеини ақьафурҭеи аус руеит. Арантәи ибзианы иубарҭоуп аҭыҧантәи аҧшӡарақәа – Симон Каннтәи иуахәамеи аӡхыҽҽеи.
Ари аҩыза аҧсшьарҭа ҩны аргылара Саид Ажәанба игәы иҭоижьҭеи акрааҵуан. Иара имоуп асассаирҭақәа иҵегьы, аха урҭ ари иадикылом. Ҳтәылаҿы аҧсшьарҭа ҩнқәа аиаҵәақәа ранаршьозҭгьы, иара хымҧада ҧшьба аиуан, ҳәа агәра ганы дыҟоуп Саид.

Акурорти атуризми рзы аминистр ихаҭыҧуаҩ Асҭамыр Ахба иазгәеиҭеит, ас еиҧш аотельқәа раартра акурорттә қалақьқәа ринфраструктура шеиҕьнатәуа. Уи хымҧада атуристцәа рхыҧхьаӡара аизырҳараҿы аҭыҧ ду шааннакыло азгәеиҭеит Ахба.

Афон ҿыц ақалақь ахада Феликс Дауҭиа иҳәеит, ари аҩыза аотель аргылара ақалақь азы аҵак ду шамоу. Асервис ҳарак змоу асассаирҭақәа шаҟа ирацәоу аҟара, атуризм аҿиара иацхраауеит, ҳәа агәра ганы дыҟоуп Дауҭиа.

Ари асасааирҭа иамоуп хынҩажәи хәба номер. Ара зегьы азгәаҭаны иҟоуп -  архьшәашәагақәа, хыҧхьаӡара рацәала ателехәаҧшратә каналақәа. Уи зегьы хымҧадатәиуп ауаа рыҧсшьара ахгара аамҭа арманшәаларазы. Гранд Афон аргылара иадхалеит хы-шықәса. Аофициалтә аартра уажә ишымҩаҧысызгьы, уи аҧсшьацәа аднакылоижьҭеи акыр ҵуеит. Уажәнатәгьы аномерқәа жәпакы ааныркылахьеит Аҧсны аҭаара згәы иҭоу аҧсшьацәа. Иуҳәар ауеит, асассаирҭа  «Гранд Афон” аҿы досу аамҭа бзиа ихганы, игәабзиара еиҭашьақәыргыланы, агәалаҟара бзианы иманы иҩныҟа дшыгьежьуа.

Сима Аргәын, Низфа Арышҧҳа, Ҭемыр Гогхьиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
101
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
99
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
111
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
219
14 Февраль 2018
207
Загрузка плеера
Алаҳәарақәеи адныҳәаларақәеи
АГТРК