Гәдоуҭа ақалақь аҿы иаатит ахәаахәҭратә ҩны «Премиум» .

16.06.2017
689

Гәдоуҭа  ақалақь аҿы иаатит ахәаахәҭратә ҩны «Премиум» .  Уи аҩныҵҟа раҧхьаӡа акәны аусура иалагеит асупермаркет. Ари хҭыс дууп ақалақь иаланхо ауааҧсыра рзы.  
                                                                                      
Ахәаахәҭратә  ҩны «Премиум» аҿы иаатыз асупермаркет   аҟны аахәаҩцәа ирыдгалоуп хкы –хкыла еуеиҧшым аалыҵқәа  , урҭ рхыҧхьаӡараҿы иҟоуп аҳәаанырцәынтәи иаагоу реиҧш, аҭыҧантәи аҭыжьыҩцәа раалыҵқәагьы. Асупер маркет «Премиум » Аиҳабы , Мадина Адлеиҧҳа лажәақәа рыла  , ари асоциалтә ҟазшьа змоу проектуп , рыхәқәа акырӡа илаҟәуп егьырҭ ахәаахәҭратә ҩнқәа рҿы аасҭа .Аалыҵқәа рхаҭабзиара акәзар  даара иҳаракыуп .    

Ахәаахәҭратә еилазаара  «Премиум »адиректор хада Асҭамыр Гагәылиа иажәақәа рыла, Аҧсны егьырҭ ақалақьқәеи араионқәеи  рҿгьы ас еҧш иҟоу апроектқәа реиҿкаара  ргәы иҭоуп раҧхьаҟагьы .
Гудоуҭатәи араионтә еизара ахантәаҩы Роман Базба иҳәеит , ари асупермаркет аҿы Гәдоуҭа ақалақь  ауааҧсыра рхәаахәҭра арманшәаларазы  аҭагылазаашьақәа зегьы шаҧҵоу.

Ахәаахәҭратә еилазаара «Премиум » аҭыҧантәи аџьармыкьаҿы 2006  шықәса раахыс иҟоуп . Иҧхьаӡоуп зегь раасҭа Аҧсны абиуџьет хазырҭәаауа анаплакқәа ируакны . Гәдоуҭа ақалақь аҿы иаатыз ахәаахәҭратә ҩны  иамоуп ҩ-еихагылак , актәи аихагылаҿы асупер маркет аартуп , аҩбатәи аихагылаҿы иҟоуп акаҳуажәырҭа ,уи иаҭаауа аҭаацәеи урҭ рхәыҷқәеи ирыдгалахоит  еиуеиҧшым ахаа-мыхаақәа . Иара убас ахыбраҿы иҟоуп ауадақәа  қьырала адәқьанқәа аазыртырц зҭахыу    рзы . Амагазин Премиум аартуп абри аҭыӡҭыҧ ала: Гәдоуҭа ақалақь, Ӡиӡариа имҩаду 34.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
25
Уи абзоуроуп аилахәыра «Аҟәафон » иҟанаҵаз афинанстә цхыраара .
27
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
41
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК