Имҩаҧысит Аҩныҵҟатəи Аусқəа рминистрра аколлегиа аилатəара.

19.06.2017
635

Аҧсны Ахада Рауль Ҳаџьымба далахәын имҩаҧысыз ареспублика аҩныҵҟатәи аусқәа рминистрра аколлегиа аилатәара.

Уи аҿы ирзааҭгылеит аҵыхәтәантәи амшқәа рзы ауаажәларра рыҩнуҵҟа анырра ҕәҕәа ҟазҵаз ацәгьоурақәеи, аҳәынҭавтоинспекциа аусзуҩцәа гәыҧҩык ирҩыз арзаҳали, акадртә зҵаарақәа рхылаҧшра аиҕьтәреи ирызкыз азҵаатәқәа.

Аҩныҵҟатәи аусқәа рминистрра инарҭбааз аколлегиа аилатәара аартуа , Аҧсны Ахада Рауль Ҳаџьымба раҧхьа дазааҭгылеит аҵыхәтәантәи амшқәа рзы аҭыҧ змаз ацәгьоура бааҧсқәа рызҵаара. Иҳәеит , дарбанызаалак урҭ рзы ахара зду закәанла ихәҭоу аус дшақәыршәахо. Аусӡбара шымҩаҧгахо зегьы ирбо ираҳауа. Ааигәа аҳәынҭавтоинспекциа аусзуҩцәа гәыҧҩык арзаҳалқәа рҩит рмаҵзурақәа шышьҭарҵо азы. Ҽыҵгас иҟарҵеит Урыстәылантәи иаауа автомашьынақәа астационартә гәаҭарҭатә ҭыҧқәа рҟны акәымзар, раанкылара азин ыҟам ҳәа аминистр идҵа ишақәшаҳаҭым. Атәыла Ахада иҳәеит, асеиҧш амилициа аусзуҩцәа рхымҩаҧгашьа шиашам атәы.

Аколлегиа аилатәараҿы иҟан арзаҳалқәа зҩыз аҳәынҭавтоинспециа ахаҭарнакцәа гәыҧҩык. Дара рахь аӡәы иҳәеит руалафахәқәа шмаҷу. Аҳәынҭқарра Ахада иазгәеиҭеит , ауалафахәы амаҷра аҵарҭыша агара азы азин аӡәгьы ишинамҭо. Дҵаны иқиргылеит асеиҧш зхы мҩаҧызгаз рмаҵзуратә уалҧшьақәа рынагӡара ишаҟәыхтәу азы. Аминистр инапы ианиҵеит акадртә зҵаарақәа рыӡбара ахылаҧшра ҕәҕәа шаҭатәу. Аҧыза- министр ихаҭыҧуаҩ Аҩныҵҟатәи аусқәа рминистр аслан Кобахьиа, уажәы иџьатә ҧсшьарахь дшыҟоугьы, иазгәеиҭеит уаанӡагьы аҳәынҭавтоинспекциа аусзуҩцәа гәыҧҩыки аминистрра анапхгареи изныкымкəа аицәажәарақәа шрымаз. Иҳәеит, арзаҳалқәа зҩыз рмаҵзурақәа ирымхны дара ирзыҧҵәаз ауалафахәы ибзианы аус зуа рыҭара ишалаго. 

Амилициа аполковник Леонид Габлиа иқәгылараҿы имӡеит, аҳәынҭавтоинспекциа аусуцәа рхымҩаҧгашьа шизеилымкаауа. Аҩныҵҟатәи аусқәа рминистр иеиҧш, Леонид Габлиа иазгәеиҭеит, аҳәынҭавтоинспекциа аусуцәа зегьы иаарласны аттестациа ишахыжьтәу. Аҧсны Ахада апрокуратура хадеи аҳәынҭқарратә шәарҭадаратә маҵзуреи рнапхгаҩцәа ирыдиҵеит аҳәынҭавтоинспекциа аусзуҩцәа рмаҵзуратә уалҧшьақәа шынарыгӡо иахылаҧшны, уи еилазго шьақәдыргыларц. Иҳәеит азакуан еилазго дарбанызаалак ихәҭоу аҭакҧхықәра дшақәршәахо атәы.

 Д.Инаҧшьба. А. Агәхаа, Б. Џьынџьал, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
6
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
4
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
6
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
3
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
5
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
3
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК