Аҟәа иаатит «Ауаҩы иааҭгыларҭа» ҳәа хьӡыс измоу Фазиль Искандер изку Жәларбжьаратәи афестиваль.

20.06.2017
463

Аҟәа иаатит «Ауаҩы иааҭгыларҭа» ҳәа хьӡыс измоу Фазиль Искандер изку Жәларбжьаратәи афестиваль.

Аҧсны Ахада Рауль Ҳаџьымба идикылеит уи аиҿкааҩцәа рхаҭарнакцәа. Сынтәа хынтәуп имҩаҧысуеижьҭеи еицырдыруа ашәҟәыҩҩы Фазиль Искандер изку Жәларбжьаратәи афестиваль. Уи аиҿкааҩцәа анидикылоз атәыла Ахада иҳәеит, ари ахҭыс адоуҳатәи акультуратәи ҧсҭазаараҿы иаҵанакуа шмаҷым.

Шьазина Агырҧҳа Фазиль Искандер ихьӡ зху афонд анапхгаҩы иазгәалҭеит, ашықәсқәа цацыҧхьаӡа ашәҟәыҩҩ иаҧҵамҭақәа уанрыҧхьалак, иҿыцу акы ушазхьадырҧшуа атәы. Убри азоуп есааира афестиваль аҳәаақәа рыҽздырҭбаауа. Лара атәыла Ахада илырбеит Фазиль Искандер ихьӡ иацу аҭыҧқәа рыхсаала. Ҳаҧхьаҟа иалыршазар ауеит дара рҭаара, ашәҟәыҩҩ ибаҩхатәра бзиа избо рымацара ракәымкәа , Аҧсны иаҭаауа зегьы рзы. 

Ареспублика акультуреи, акультуратә ҭынха ахьчареи рминистр Ельвира Арсалиа илҳәеит , афестиваль шаартхо Фазиль Искандер ихьӡ зху Аҟәатәи аурыс драматә театр аҟны. Аҩаша ауха ахәаҧшцәа идырбахоит Шьукин ихьӡ зху атеатртә институт Аҧснытәи астудентцәа реиҳараҩык рыла иқәыргылоу ашәҟәыҩҩ ипиеса «Софичка». Атеатр аиҳабы Иракли Хынҭәба иазгәеиҭеит, афестиваль аҳәаақәа ирҭагӡаны ахәаҧшцәа ишдырбахо акинофильм « СОФИЧКА». Иара аҧсышәала ицәажәоит аурыс титрқәа аманы. Анаҩс ари афильм дырбахоит ареспублика егьырҭ араионқәа рҟны. 

Аҧсны Ахада афестиваль аиҿкааҩцәеи, уи зҽалазырхәуеи ирзеиҕьеишьеит ақәҿиарақәа. 

Д.Инаҧшьба, А. Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
44
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК