Лассы - лассы илеиуа ақәа иахҟьаны адгьылқәа аҳәазара иалагеит.

20.06.2017
873

Сынтәатәи аҧхынразы даҽа аамҭак иаламҩашьоу амш алеишәа арыцәгьеит. Лассы - лассы илеиуа ақәа иахҟьаны адгьылқәа аҳәазара иалагеит. Аҧырхага знаҭаз ауааҧсыра рхыҧхьаӡара маҷым. 

Убас, Аҟәа, аишьцәа Занҭариаа рыхьӡ зху амҩаду аҿы инхо Етумианаа рҭаацәара амшцәгьа аҧхасҭа рнаҭеит. Ҩынҩажәа шықәса инареиҳаны иҵуеит Роза Етумиан ари аҩнаҿы дынхоижьҭеи, Аҩны аҭагылазаашьа уадаҩын жәашықәса раҧхьа уи еиламҳарц азы аҩбатәи аихагыла ахыхын аҧшәма излалылшоз ала аиҭашьақәыргаларатә усурақәа мҩаҧылгон, аха аҵыхәтәантәи аамҭазы уи аганқәа шьшьо иалагеит. Амшцәгьақәа раан аҩны ахәҭак аҭӡамц каҳаит. Иахьа иҟоуп ашәарҭара ҕәҕәа аҩны зегьы еилаҳар ҳәа. Аҩны акәша мыкәша уанахәаҧшуа иумбарц залшом хыҧхьаӡара рацәала ашьшьарақәа шамоу. Аҧшәма ҧҳәыс илҳәоит, царҭа шрымам, лҭаацәа рҭынхацәа рҿы ишыҟоу. Лара лакәзар макьана аҩны дахыуп. 

Аҵыхәтәантәи аамҭазы адгьыл ахьыҳәазо аҭыҧқәа рацәахо иалагеит. Уи зыхҟьо ҳәа аспециалистцәа иалыркаауеит адгьыл ацәаакыра ахьыҳаракхаз, анышәаҧшь ахьамоу аҭыҧқәа рҿы адгьыл ҳәазоит. АЕКОЛОГИАТӘ ИНСТИТУТ АИҲАБЫ Роман Дбар иазгәеиҭеит, мызкы илеираны иҟоу ақәа уахык ала ишлеиуа, уи анырра ҟанамҵар залшом ҳәа, азгәеиҭеит иара . Иара убасгьы Роман Дбар иҳәеит, Аҧсны ишәарҭо аҭыҧқәагьы шыҟоу адгьыл аҳәазара иахҟьаны ахаҳәқәа ахьаҿыбго шмаҷым. Иаарҧштәуп агәаҽанызаара, - иҳәеит Дбар. АЕКОЛОГИА АЗЫ АИНСТИТУТ АИҲАБЫ Роман Дбар иазгәеиҭеит, аинститут аусзуҩцәа агәаҭара шымҩаҧырго, ҳнапы иану маҷуп, акызаҵәык алкаақәа ҟаҳҵар ауеит, иҳәеит Дбар. Аиашазы, аҧсабара узаиааиуам, уи иузаанаго зегьы удукылозароуп. Роман Дбар иҳәеит, уажә аӡыс аамҭа ҳҭагылазаргьы, аҧхьаҟа аарҩара ақыҭанхамҩаҿы ауадаҩрақәа цәырнагар шалшо атәы.

 Фатима Гьергьиаҧҳа, Беслан Чхьынџьериа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
32
Аҧснынтә ари аибашьра иалахәын хышә-ҩык рҿынӡа.
31
Еиуеиҧшым амзызқәа ирыхҟьаны , атәылауаҩшәҟәы аҧсахра иахьымӡаз дарбанзаалак, идокумент амч ацәыӡит
38
Уи мҩаҧнагеит ауаажәларратә еиҿкаара «Амч » .
31
Ари арыцхә иазкны АҞәа иаартын афотосахьақәа рцәыргақәҵа.
31
Урҭ рызшахоит ахәышәтәырҭақәа реиҧш, аполиклиникақәагьы.
Алаҳәарақәеи адныҳәаларақәеи
АГТРК