Акафедралтə уахəамаҿы аиҧылара.

20.06.2017
672

  Аҟәатәи Акафедралтә уахәамаҿы имҩаҧысит Аҧсны еиуеиҧшым араионқәа рҟынтәи аҭааҩцәа иаҧшьыргаз аиҧылара. Иара азкын  Аҧсны жәлар реизара ахәбатәи ааҧхьара адепутатцәа ирыдыркылаз ахшара зцәа далоу аҧҳәыс лырбгара иадҳәалоу азакуан.

Аҟәатәи акафедралтә уахәамаҿы  имҩаҧысыз аиҧылара иалахәын  аиашахаҵаратә уахәамақәа рхаҭарнакцәеи, аиашахаҵара ныҟәызго аҳәсақәеи. Араҟа  зҵаара  хаданы иқәгылан аҵыхәтәантәи аамҭазы Жәлар Реизараҿы ахшара зцәа далоу аҧҳәыс лырбгара иадҳәалоу азакуан алагаларақәа  хымҧадатәиуп ҳәа     излацәажәоз азҵаара. Аҧсны аиашахаҵаратә уахәама анапхгара  изларҳәо ала, азакуан ҧсахрада  иаанхароуп.

Аиҧылараҿы зегь еицҿакны ирҳәон имииц асаби иҧсҭазаара аҿахҵәара гәнаҳара дууп ҳәа. Анцәа дхазҵо ауааҧсыра рзы ари иашам ҳәа азырыҧхьаӡоит. Иазааҭгылон    ари азакуан иадҳәалоу  ргәаанагарақәа.
Ианар мза ҩнызқьи жәаф шықәсазы Жәлар Реизараҿы  ирыдыркылеит "Агәабзиарахьчаразы" азакуан  , анаҩс февраль мзазы Аҧсны ахада   Рауль Ҳаџьымба инапы аҵаиҩит.  Азакуан излаҳәо ала, зцәа зтәым аҧҳәыс лырбгара мап ацәкуп.  Аха убри аан азакуан иаҳәоит, аҧҳәыс ахәыҷы ҧсы длымазар лыҽлырбгар азин лымоуп ҳәа.

Аизара иалахәыз Анцәа дхазҵо аҳәса ирҳәоит имииц ахәыҷы ишьра шыгәнаҳароу.

Амра Зарандиаҧҳа, Роберт Ломиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
7
Аҭыжьымҭаҿы:Сергеи Багаҧшь ибаҟа ақәыргыларазы аконкурс рылаҳәахоит. Амонументалтә ҟазаразы аҳәынҭқарратә комиссиа аилатәара аихшьаалақәа.
13
Ахәаҧшцәа хәыҷқәа идырбан ауаҧс жәлар рҳәамҭақәа рмотивқәа рыла иқәыргылоу «Ашьхақәа рлегенда» захьӡу аспектакль.
7
Аминистрра асаит аҿы иаҧҵоуп ашәахтәшәаҩы иуада захьӡу амаҵзура.
5
Уаҟа ирылацәажәеит Аҧсны иналукааша аполитикатә усзуҩцәеи, аруааи, аҟазара аусхки рҿы зыхьӡ нагоу рбаҟақәа рықәыргылара азҵаара.
Алаҳәарақәеи адныҳәаларақәеи
АГТРК