Урыстәыла Ахада Владимир Путин иаҧхьахә агаразы Москва имҩаҧгаз аҽырыҩрақәа раан актәи аҭыҧ агеит Аҧснытәи аҽыҩ.

20.06.2017
1014

Ааигәа Урыстәыла Ахада Владимир Путин иаҧхьахә агаразы Москва имҩаҧгаз аҽырыҩрақәа раан актәи аҭыҧ агеит Аҧснытәи аҽыҩ. Усҟан ахраҿа хада инапаҿы идыркит Рауль Ҳаџьымба. 

Иахьа атәыла Ахада идикылеит аҽтәы спорт афедерациа анапхгареи, аҽыҩҷкәынцәеи. Аҧсны Ахада даҽазныкгьы иҭабуп ҳәа реиҳәеит аҽтәы спорт афедерациа анапхгареи, аҽыбҕаҟазацәеи, Жәларбжьаратәи аицлабрақәа рҟны қәҿиарала иахьықәгылои, ареспублика ахьӡ ахьҭыргои рзы. 

Рауль Ҳаџьымба иазгәеиҭеит, аспорттә усхкқәа аҿар радыҧхьалара алҵшәа бзиақәа шаанашьҭуа. Ҳаҧхьаҟагьы ари аус ишацҵатәу. Аҳәынҭқарра акәзар, иалшо ала ацхыраара ҟанаҵоит. Иҳәеит Аҧснытәи аҽыбҕаҟазара аҭоурых аҿы раҧхьаӡа акәны Аҧснытәи аҽыҩ Урыстәыла Ахада иаҧхьахә агараҿы актәи аҭыҧ шагаз. Аслан Камлиа Аҧсны аҽтәы спорт афедерациа анапхгаҩы Рауль Ҳаџьымба иҭабуп ҳәа иеиҳәеит атәыла анапхгара ирзыҟарҵо азҿлымҳареи, ацхыраареи рзы. Аслан Камлиа убасгьы иазгәеиҭеит, сынтәа ииуль мзазы аҽырыҩреи, аҽыбҕаҟазареи рзы аицлабрақәа шымҩаҧгахо Бзыҧҭатәи аҽырҩырҭаҿы. Уи шымҩаҧысуа ишиашо ицо аефир ала идырбахоит Урыстәылатәи ателехәаҧшра аспорттә программақәа руак ала. Иара убасгьы уи аҽны арахь иаауеит еиуеиҧшым амассатә- информациа ахархәагақәа русзуҩцәа. Дара иҭырҵаауеит аҧсуаа рҽыбҕаҟазара аҭоурых. Атәыла ахада ари аус ибзиоуп ҳәа ахиҳәааит. 

Аиҧылараҿы убасгьы иӡбан Урыстәыла ахада Владимир Путин ихьӡала имҩаҧгаз аҽырыҩрақәа раан Аҧсныҟа иааргаз ахраҿа атәыла Ахада иусбарҭаҿы иааныжьзарц, арахь имҩахыҵуа зегьы ирбарц азы.

 Д.Инаҧшьба, Алықьса Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
26
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
34
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК