Иҭыҵит Ҟабарда- Балкариа иқәынхо абаза жәлар рҭоурых еиҭазҳәо ашәҟәы «Абаза в Кабарде»

20.06.2017
942

Иҭыҵит Ҟабарда- Балкариа иқәынхо абаза жәлар рҭоурых еиҭазҳәо ашәҟәы. «Абаза в Кабарде» захьӡу аизга аӡыргара мҩаҧысит Аҟәа.

Ари ашәҟәы иазааҧсаз авторцәа, ауасхыр ду рзышьҭарҵеит аҵараауа, аетнологцәа, аполитологцәа русура азы. Ашәҟәы авторс,  еиқәыршәаҩыс иамоуп Руслан Кармови, Роланд Ажьибеи, Владимир Пшенкови. Ари аҩымҭа акьыҧхь абеит  аҧсуа - абаза етнос «Алашара» аҿиаразы жәларбжьаратәи  ахеидкыла  ахада Мусса Екзекови, аҧсадгьыл ахь ахынҳәра азы иаҧҵоу Аҧснытәи аҳәынҭқарратә еилаки рыцхыраарала.
Ашәҟәаҿы иаагоуп Қырҭтәылеи Уаҧстәылеи рҳәынҭқаратә архивқәа рҟынтәи  хәызмаӡам аматериалқәа. Иара убасгьы Москвеи Санкт-Петербурги, Ҟабарда - Балкариеи рҟынтә аҭоурыхтә документқәа, абаза жәлар  рҭоурых аазырҧшуа. Иазгәаҭатәуп, урҭ аматериалқәа раҧхьаӡа акәны акьыҧхь шырбаз. Иара убасгьы араҟа аҟабардақәеи, аурысцәеи, абазақәеи , аҧсуааи ҭоурыхдырыҩцәа рыҭҵаарақәа анылеит. Ашәҟәы аӡыргара еизнагеит  акультура аусзуҩцәеи, ауаажәларреи, аполитикцәеи, аҭоурыхҭҵааҩцәеи.

Ашәҟәы шьақәгылоуп ҩ-хыки агәлаҵеи рыла. Актәи ахаҿы иазааҭгылоуп абазақәеи аҟабардақәеи  рыбжьара, ауаажәларра политикатә еимадарақәа атәы аазырҧшуа аҭҵаарақәа. Аҩбатәи ахаҿы иаагоуп абаза- ҟабардатә еизыҟазаашьақәа ртәы зҳәо архивтә документқәеи аматериалқәеи. Напылаҩыратә хыҵхырҭақәагьы арбоуп. Агәлаҵа иагәылоу аматериалқәа иаадырҧшуеит Ҟабарда-Балкариа аҟынтәи хатәгәаҧхарала Аҧсны  Аџьынџьтәылатә еибашьра  аан   иҳавагылаз. Иара убасгьы ашәҟәаҿы иагәылоу асиа аҿы иарбоуп Аҧсны хатәгəаҧхарала еибашьуаз   иранашьаз аҳәынҭқарратә ҳамҭақәа. Авторцәа руаӡкә иазгәаиҭеит, аҭоурыҭҵааҩцәеи, аетнологцәеи рзы ари ашәҟәы шыцхыраагӡа духо.

Аӡыргараҿы иҳәан, «Абаза в Кабарде» ашәҟәы, аиашьаратә жәларқәа ирыбжьоу ажәытә еимадарақәа  рырҕәҕәаразы  ишцхыраагӡа духо ҳаҧхьаҟа. Иазҧхьагәаҭоуп ари ахырхарҭала   даҽа шәҟәык аҭыжьрагьы.  Ари ашәҟәы иаҳзаанартуеит  аҧсуа- база рҭоурых атәы зҳәо адаҟьа  ҿыцқәа.

Наала Чхьынџьериаҧҳа, Ельдар Дамиров, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
26
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
34
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК