"Софичка" апремиера.

21.06.2017
735

Аурыс драматә театр аҿы аспектакль «Софичка» апремиерала, иаартын Фазиль Искандер ихьӡ зху ахҧатәи Жәларбжьаратәи афестиваль «Ауаҩы иааҭгыларҭа». 

Уахь имҩахыҵит Аҳәынҭқарра ахада ихаҭыҧуаҩ Витали Габниа, Аҧсны ахада иабжьгаҩ Владимир Занҭариа, хыҧхьаӡара рацәала асасцәа. Афестиваль аартуа, Аҧсны акультуреи аҭоурых-культуратә ҭынха ахьчареи рзы аминистр Ельвира Арсалиаҧҳа еизаз зегьы ирыдылныҳәалеит ари ахҭыс. Иазгәалҭеит, хышықәса ирылагӡаны афестиваль аҳәаақәа ирҭагӡаны иҟарҵахьоу шмаҷым, еиҿкаан ацәыргақәҵақәа Фазиль Искандер иҩымҭақәа рыла атеатртә қәгыларақәа. Зегьы ирыцку - иалыршан асахьаркыратә фильм «Софичка» аҭыхра. 

Аспектакль ақәыргылара алыршахеит Москва, Борис Шьукин ихьӡ зху атеатртә институт аҿы аҵара зҵо аҧсуа студентцәа рымчала. Аспекалькаль режиссиорс, ақәыргылаҩыс дыҟоуп урҭ рсахьаркыратә напхгаҩы Елена Оденцова. Даҽа аамҭанык еиҧшымкəа атеатр азал зегь ҭәын. Ахәаҧшцәа рыҧсы ӡаны аспектакль алагара иазыҧшын. Ҳмилаҭтә қьабз, ҳмилаҭтә еизыҟазаашьақәа, жәытә- натә аахыс аҧсуаа ирымаз апатуеиқәҵара. Абарҭқәа зегьы ахәаҧшцәа рызнагара алдыршеит актиорцәа ҿарацәа. Насгьы зегь реиҳа ихадароу, аҧҵамҭа ахаҿсахьа хада, аҧсуа ҧҳәызба Софичка лыҧсҭазааратә мҩа аҿырҧшала иубоит ауаҩы иҧыло ауадаҩрақәа дыриааины ишилшо иуаҩреи иламыси реиқәырхара. 

Аҟазараҭҵааҩ, Дырмит Гәлиа ихьӡ зху аҳәынҭқараратә музеи аиҳабы Светлана Қорсаиаҧҳа агәахәара ду лнаҭеит дызхәаҧшыз ақәыргыламҭа. Актиорцәа русурагьы ахә ҳаракны илшьеит. Иааихмырсыҕьӡакәа игоит анапеинҟьабжьы. Ахәаҧшцәа кыр аамҭа иоурыжьуамызт ақәыргыламҭа иалахәыз актиорцәа. Урҭ ҟазара ҳаракыла иаадырҧшит аспектакль « Софичка» аҿы иқәгылоу ақьабз иадҳәалоу азҵаара хадақәа иахьагьы актуалра шрымоу. Убри азоуп ахәаҧшцәагьы абас гәыкала изрыдыркылаз. Жәаҳәарада, аспектакль « Софичка» иҷыдоу ахатә ҭыҧ ааннакылоит аурыс драматә театр арепертуар аҿы.  

Ирина Арышҧҳа, Асҭамыр Гәажәба, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Уи абзоуроуп аилахәыра «Аҟәафон » иҟанаҵаз афинанстә цхыраара .
19
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
31
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
29
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
Алаҳәарақәеи адныҳәаларақәеи
АГТРК