Аҧсны ирацәахо иалагеит аҵиаақәа аҧырхага рызҭо еиуеиҧшым ахәаҷақәа.

21.06.2017
808

Аҧсны ирацәахо иалагеит аҵиаақәа аҧырхага рызҭо еиуеиҧшым ахәаҷақәа. Аҵиаақәа ркарантин азы Аҧсны аҳәынҭқарратә инспекциа аспециалистцәа, ауааҧсыра ирыланаҳәоит  аҵиаақәа аҧырхага рызҭо аҧарҧалыкь шкәакәа ацәырҵра ишалагаз. Иҟаҵатәузеи урҭ раанкыларазы,  аҧхасҭа зырҭо аҵиаақәа рыхәышәтәразы ?

Америкатәи аҧырҧалыкь шкәакәа раҧхьаӡа акәны Аҧсны иқәнагалеит зқьи жәшәи ҧшьынҩажәи хәба шықәсазы. Ари ахәаҷа иҧхасҭанатәыр алшоит ҩышәи ҩынажәи жәаба инарзынаҧшуа еиуеиҧшым аҵиаахкқәа, ашәыр ҵлақәа инадыркны адекоративтә ҵлақәа рҟынӡа. Ахьычҧаҧыр иаҵар алшоит зқьы ктәаҕь рҟынӡа. Убри аан акәтаҕь аҟынтәи игәылҵуа, ахәыц ссақәа ҳәа ирышьҭоуп.  Аҧырҧалыкь аҧсы ҭанаҵы  иалшоит бжьынтәы аҧштәы аҧсахра.  

Аҵиаақәа зфо ари ахәаҷа хкы,  уахынлоуп еиҳарак аҧхасҭа аныҟанаҵо.

Иҳаҩсыз ашықәс иаҿырҧшны ҳахәаҧшуазар, сынтәа  иаҳа имаҷны аҧырхага ҟанаҵар алшоит аҧарҧалыкь шкәакәа, аха уи иаанагаӡом, Аҧсны аҵиаақәа ашәарҭара иҭагылаӡам ҳәа.  Урҭ ахәаҷақәа иаҳа ихьшәаны рцәырҵра  зыҟалаз, Аҧсны макьаназы ахьшәашәара ахьыҟоу азоуп. Аҩныҵҟатәи акарантин аҟәша аиҳабы Анзор Вартагаа, иажәақəа рыла, америкатәи аҧырҧалыкь шкәакәа аҵиаақәа аҧхасҭа рнамҭаларц азы иҟаҵатәқәоу иреиуоуп, абызкаҭаҳаҿы иубо ахәыц ссақәа ахьамоу ихҵәаны рбылра. Иазгәаҭатәуп, аҧхасҭа ҟазҵо аҧарҧалыкь иаҳа ашәарҭара ишҭанаргыло Аҧсны мрагылара иаҵанакауа араионқәа, мраҭашәарахь акәзар иаҳа иҧсыҽны ахы аанарҧшуеит.

Америкатәи аҧырҧалыкь шкәакәа инаваргыланы иахьазы Аҧсны аҵиаахкқәа ирҧырхагоу акоуп афҩы цәгьа змоу апты ҳәа изышьҭоу. Аспециалист иажәақәа рыла, уи иафо аҵиаақәа рыхәышәтәразы, ахәшәқәа ааргахеит, аха макьаназы урҭ рыхәышәтәра нап адмыркӡац. Аҧсны аҧырхага ҟазҵо еиуеиҧшым ахәаҷа хкқәа аҳәаанхыҵынтәи иаауеит. Хаҭала аҧырҧалыкь шкәакәа ақәгаразы  иаҭахуп ахәыцқәеи абызкаҭаҳатә ҭрақәеи былны, аҵиаақәа  ахимикатқәа рыла аус адулара, ҳәа азгәеиҭеит аспециалсит.  Зыҩнаҭақәа рҿы ари аҩыза аҭагылазаашьа ыҟоу адырра ҟарҵар рылшоит, Аҵиаақәа ркарантин азы Аҧсны аҳәынҭқарратә хылаҧшрахь,  урҭ рыхәышәтәразы  иаҭахқәоу ахәшәқәа риуразы.

Наала Чхьынџьериаҧҳа, Роберт Ломиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
11
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
33
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
39
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК