Аҧснытəи аҳəынҭқарратə унивирситет аҟны иазгəарҭеитАҧсны зҽаҧсазтәыз афымца аусзуҩы, Ахьӡ-Аҧша аорден ахҧатәи аҩаӡара занашьоу Гиви Миқаа 80 ш. ихыҵра.

21.06.2017
812

Аҧснытәи аҳәынҭқарратә университет, агро-нџьныртә факультет аҟны 80 – шықәса ихыҵра азгәарҭеит Аҧсны зҽаҧсазтәыз афымца аусзуҩы, Ахьӡ-Аҧша аорден ахҧатәи аҩаӡара занашьоу Гиви Миқаа. Аиҧылара иалахәын ҳкорреспондентцәагьы.

Гиви Миқаа диит Очамчыра араион Кәтол ақыҭан. Аҵара иҵон Тамшьтәи абжьаратә школ аҿы. Уи ашьҭахь дҭалеит Қарҭтәи аполитехникатә институт аенергетика афакультет,  иреиҳау аҵара далгеит анџьныр-афымцамеханик изанааҭ ала. Анаҩс иҵара иациҵеит аспирантураҟны. Аиубилиар имшира идырныҳәаларц ауниверситет аҟны еизеит иҩызцәа, аус ицызуаз, иара убас иҭынхацәа.  

Гиви Миқаа  аус иухьан Аҟәатәи афизика-техникатә институт алабораториақәа рҿы атехник еиҳабыс, анаҩс анџьнырс. Аамҭак азы аус иуан Аҟәатәи аиндустриалтә техникум аҟны. Иҧсҭазаара акыр шықәсқәа азикит Аҧсны  афымцамч аҿиара.  Аиҧылараҿы иаҧхьан Ауниверситет аректор Алеко Гәарамиа иҟаиҵаз адныҳәалара.

Аҵарауаҩ изааигәаз, иҩызцәа, аҵара ицызҵоз еизаз ирзеиҭарҳәон иқәыҧшра иадҳәалаз ахҭысқәа.
Аиубилиар идныҳәаларц  иааит Урыстәылантәи иколлегацәа,иҩызцәа. Дара гәык-ҧсыкала идырныҳәалеит имшира.

Гиви Миқаа иҧышәа иабзоураны , Аҧсуа Ҳәынҭқарратә университет аҟны  иаартын акафедра ҿыц « Афымцеи асистемеи». Уаҟа иазыҟарҵоит атәыла афымца аусхк аҿы иуадаҩу аҳасабтәқәа рыӡбара зылшо ҳаамҭазтәи аспециалистцәа. Ари акафедраҿы иахьа уажәраанӡагьы аус иуеит Гиви Миқаа.

Аманда Ҧониаҧҳа ,Леон Адлеиба,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
11
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
18
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
17
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК