Даур Занҭариа ихьӡ зху ацентр аҿы имҩаҧысит адепутатцәа, ауаажәларратә усзуҩцәа, аиашахаҵаратәи аҧсылмантәи динхаҵарақәа рхаҭарнакцәа злахəыз аиҧылара.

23.06.2017
576

Даур Занҭариа ихьӡ зху ацентр аҿы имҩаҧысит Аҧсны аҵыхәтәантәи аамҭазы аҭыҧ змаз ахҭысқәа ажәлар рыҩныҵҟа ицәырырго азҵаарақәа ирызкыз аиҧылара . 

Уи иалахәын адепутатцәа, ауаажәларратә усзуҩцәа, аиашахаҵаратәи аҧсылмантәи динхаҵарақәа рхаҭарнакцәа. Аҵыхәтәантәи аамҭазы инеишьҭаргыланы имҩаҧысуа ахҭысқәа даара агәҭынчымра рызцәырнагоит ҳажәлар . Аҧсуаа жәытә-натә аахыс ирыцәтәымыз аҟазшьақәа аархәо иахьалагаз , ацәгьоурақәа раанкылара ӡбашьас иаҭатәу , аполитика наҟ инышьҭаҵаны , гәаартыла , аамсҭашәала азҵаарақәа рылацәажәара хықәкыс илыманы аиҧылара аалыртит Ауаажәларратә еиҿкаара амилаҭтә ресурсқәа ахантәаҩы Циза Гәымҧҳа. Аиҧылара алахәылацәа рахь лхы нарханы иқәлыргылеит азҵаара , избан ҳаҧсуара, ҳҵас , ҳқьабзқәа ҳрыцәхьаҵны иҳацәтәыму амҩа ҳзанылаз , уи зыхҟьаз ?

Абыргцәа рхеилак ахантәаҩы Аполлон Шьынқәба иқәгылараҿы, аҵыхәтәантәи ацәгьоура хаҭала дазааҭгыло иазгәеиҭеит, ахеилак аганахь ала ,аҭагылазаашьа арҽеиразы ирылшо зегьы шыҟарҵо ,аус аҭҵаара шцо, уи аамҭа шаҭахыу. Аҧсны жәлар Реизара адепутат Баҭал Табаҕәуа иазгәеиҭеит , дарбанзаалак ацәгьа зуз ижәлантәқәа реизара , уи иқәыӡбара аус ишацхраауа , аха уи ииуз ацәгьа аӡбара шаҭахыу азакәан инақәыршәаны . Ақьырсиантә иашахаҵара ахаҭарнак Аб Давид иҳәеит, 2013 шықәса раахыс , иара иахь ацхыраара иаҳәаны ишидикылахьоу , ишакәымкәа изызныҟәаз 520 ҩык аҳәса, урҭ ишацәыҧхашьо изықәшәаз аус иаартны ацәыргара .

Ауаажәларатә усзуҩы Лиана Кәарҷелиаҧҳа лажәақәа рыла , аҵыхәтәантәи аамҭазы иҟалаз ахҭысқәа убри аҩыза аҭагылазаашьа аҟынӡа ҳнаргеит, иахьа уажәраанӡа ҳаҧхашьаны ҳазламцәажәоз , ицәыргам аусқәа иаартны ҳрылацәажәартә еиҧш . Ауаажәларратә палата амаӡаныҟәгаҩ Наҭела Акаба илҳәеит , 1994 шықәсазы лара дызлахәыз апарламент аконституциа анаднакылоз , лгәыҕрақәа шадҳәалаз Аҧсны жәлар уи иқәныҟәалап ҳәа , аха ҳазҭоу аамҭазы , азакуан инақәыршәаны акәымкәа , дасу ишизыманшәалоу аусқәа рыӡбара ишалагаз.

Аиҧылара иалахәыз рыҩныҵҟа аимак –аиҿак шыҟалазгьы , зегь ззааиз гәаанагарак акәхеит , Аҧсны имҩаҧысуа ацәгьоурақәа рыҵәахра ,рыриашара акәымкәа ,урҭ шцәыргатәу ,насгьы азакуан инақәыршәаны ишыӡбатәу. Азакуан анагӡара аҧсыҽра иахҟьаны , Аҧсны ауааҧсыра дасу русқәа рхала ирыӡбо аҟынӡа ишнеиз .

Дениза Гьергьиаҧҳа , Асҭамыр Гәажәба . Аҧсуа телехәаҧшра

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Ииуль 2018
76
Аҭыжьымҭаҿы:Цәыббра 30, Аиааира Ахьыҧшымреи ирымшхеит. Жәлар Реизара адепутатцәа реилатәара аҿынтә анҵамҭа
12 Ииуль 2018
111
Ҧхынгәы мза ҧшьба рзы излагаз адкылара хыркәшахоит ҳазҭоу амза жәиҧшь рзы.
12 Ииуль 2018
83
Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.
12 Ииуль 2018
78
Анаҩс , урҭ аусурақәа рымҩаҧгаразы атәыла анапхгарагьы ацхыраара рырҭеит.
12 Ииуль 2018
88
Адепутатцәа еицҿакны ахақәиҭреи ахьыҧшымреи рзы азакуан апроект адгылара арҭеит.
11 Ииуль 2018
34
Анҵамҭаҿы:Имҩаҧысит Аҧсныи Урыстәылеи жәларбжьаратәи атранспорт еиҭанеиааиразы акомиссиа алахәылацәа реилатәара.
11 Ииуль 2018
48
Ари аиубилеитә рыцхә уи аусзуҩцәа ишазгәарҭо анҵамҭаҿы.
Загрузка плеера
Алаҳәарақәеи адныҳәаларақәеи
АГТРК