Аҟәатәи иреиҳаӡоу азеиҧш командаҟаҵаратә арратә ҵараиурҭа сынтәа иаушьҭымҭацәахеит аҧсадгьыл ахьчара иазхиоу алеитенантцәа.

23.06.2017
371

Аҟәатәи Иреиҳаӡоу азеиҧш командаҟаҵаратә арратә ҵараиурҭа аушьҭымҭацәа сынтәа Аҧсны атәылахьчара иаҵанакуа  арратә кадрқәа хадырҭәааит аа-ҩык афицарцәа рыла.

Уи иазкны Ахьӡ-аҧша апарк аҿы имҩаҧган агәырҕьаратә уснагӡатә. Аҵараиурҭа ишалгаз атәы зҳәо адипломқәа рнапаҿы ирырҭеит, убасгьы ирхырҵеит алеитенант ҳәа раҧхьатәи арратә хьӡы.
Аҟәатәи иреиҳаӡоу  азеиҧш командаҟаҵаратә арратә ҵараиурҭа сынтәа иаушьҭымҭацәахеит аҧсадгьыл ахьчара иазхиоу алеитенантцәа. Ҧшьышықәсатәи рҵара хыркәшаны, дара рҵараиурҭа абираҟ  абзиараз ҳәа иаҧырҵырц, ирзааҧсаз рырҵаҩцәа иҭабуп ҳәа рарҳәарц  еизеит Ахьӡ-аҧша Аҟәатәи  апарк аҿы.
Ҧшьышықәса раҧхьа, арра агьама цқьа изымкыцыз, аҵараиурҭахь зшьаҿа еихызгаз ҩынҩажәаҩык арҧарцәа рҟынтә, аҵыхәтәантәи амшқәа рҟынӡа, алеишәа бзиеи аҭакҧхықәреи аарҧшны  иалго аа-ҩык ракәхеит. Иацы икурсантцәаз, иахьа илеитенантцәаны иҟалаз аушьҭымҭацәа, атәылахьчара аминистр идҵала ирыхҵан раҧхьатәи афицартә хьӡы- алеитенант. Аушьҭымҭацәа руаӡәк Нарсоу Лагәлаа иаҳзеиҭеиҳәеит, аҵараиурҭаҿы аҵара шымариамыз. Аха зегь акоуп, иара илыиршеит уи қәҿиарала алгара. Иахьа иҩызцәа аҧсадгьыл ахьчара иазхиоу ауаа дахьрывагылоу игәы азҳауеит.

Агәырҕьаратә ныҳәа хацыркын Ахьӡ-аҧша апарк аҿы ашәҭқәа рышьҭаҵарала. Минуҭктәи аҿымҭрала Аҧсны зхы ақәызҵаз аҵеицәа ргәаладыршәеит. Анаҩс ацәаҳәа иқәгылаз Аҧсны аҵеицәа рнапаҿы ирыҭан аҳәынҭқарратә ҩаӡара змоу, арратә ҵараиурҭа ишалгаз атәы аазырҧшуа адиплом. Аҧсадгьыл ахьчара сазыхиоуп, абарҭ ажәақәа рыла, алеитанантцәа рхылҧақәа рхыхны, абираҟ аҿаҧхьа ихырхәеит. Уи ашьҭахь арратә оркестр ацхыраарала ацәаҳәа кны, аҧараҿырҧы ажәҩанахь иршәуа Ахьӡ аҧша апарк аҿаҧхьа иқәсит. Арҧарцәа рҭаацәа ракәзар,  арратә ҵараиурҭа аусзуҩцәа ҭабуп ҳәа рарҳәеит, рыҷкәынцәа рааӡараҿы ирбаз аџьабаа ду азы.

Уажәазы Аҟәатәи иреиҳаӡоу азеиҧш командаҟаҵаратә арратә ҵараиурҭа аушьҭымҭацәа  мызкы иалагӡаны аҧсшьараз алшара рымоуп.  Анаҩс алеитенантцәа доусы изҵазкуа архәҭақәа рышҟа инеины рус напы адыркуеит. Аҧсадгьыл ахьчара иазыхиоу арҧарцәа қәыҧшцәа, ирылшо зегь ҟарҵоит ҧшьышықәса ирылагӡаны аҵара дзырҵоз реиҳабацәа рџьабаа амырӡразы.

Наала Чхьынџьериаҧҳа, Саид Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
55
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
65
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
55
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК