Ателеканал «Абаза-ТВ» иахыҵит жәашықәса.

26.06.2017
404

Ателеканал «Абаза-ТВ» иахыҵит жәашықәса. Иуҳәар алшоит, ари аамҭа кьаҿуп ҳәа, аха  арҭ ашықәсқәа ирылагӡаны аканал знысыз амҩа мариам. Раҧхьатәи ршьаҿақәеи иахьатәи русуреи ирызкуп ҳкорреспондентцәа ранҵамҭа.

Абас иалагеит «Абаза-ТВ» раҧхьатәи аефирахь ацәырҵра, раҧхьатәи ажәабжьқәа. Ирзыҵәахуамызт усҟантәи аамҭаз аканал аира, аҿиара ашьаҭаҟны игылаз раҧхьаӡатәи аусзуҩцәа ргәы ахыҭ-хыҭра. Ҭаацәашәала, рыжәҩахырқәа еибыҭаны, ихацдыркит анаҩс Аҧсны ахы – аҵыхәа имҩаҧысуа ахҭысқәа мҽхакыҭбаала рааҧшра,  ажәлар рҟынӡа анагара зыҧсҭазаара зегь азызкыз, ателеканал аусура. Иахьа аколлектив шьақәгылоуп жәашықәса раахыс араҟа аус зуеи, ҿыц иалагаз аҿари рыла. Русҭам Занҭариа – раҧхьатәи амшқәа инадыркны аус зуа, Елеонора Гилоиан-дшыстудентыз иааз, уажәшьҭа хәышықәса ҵуеит аус луеижьҭеи, Анастасиа Никонова – зегь еицырдыруа ажурналист Владимир Никонов иҧҳа, Марианна Котова, Илана Казанба, Амелиа Ассатуриан, абарҭ рызегьы ааҧсарак ҟамҵакәа иахьа ателехәаҧшра аус адырулоит. Имаҷҩым урҭ ираҧхьагылаз аҧышәа ду змоу ажурналистцәа, урҭ уажәы адунеи еиуеиҧшым амассатә информациа ахархәагақәа рҿы аус руеит.     Ателеканал адиректор Руслан Ҳашыг аусзуҩцәа  ирыдиныҳәалеит иахьатәи арыцхә. Аколлектив даналацәажәо ,игәаумҭар залшом ,  шаҟа аҧхарра аҵаны дрыхцәажәо иахьа ари еицырзеиҧшу аус знапы алаку зегьы.Иазгәеиҭеит,  жәашықәса ирылагӡаны аканал ишьҭнамхыз хра злоу зҵаарак шнымхаз.

Ателеканал аусура раҧхьатәи аамҭақәа рзы хырхарҭа хадас ишьҭнахит Аҧсны ауааҧсыра рсоциалтә уадаҩрақәа ртема ашьҭыхра. Уи иабзоураны, иалыршахеит ацхыраара зҭаху ауаа   аҳәынҭқарра аҟынтә еиҳа азҿлымҳара рыҭара. Ари хымҧада акыр аҵанакуеит аканал азы ажәлар рыгәрагара арҳара  аус аҿы. Ҳашыг иазгәеиҭеит, ателехәаҧшра есымша аинформациа ажәлар ианаамҭоу рызнагара ишашьҭоу, уи азы аҭагылазаашьа бзиақәа анрымамгьы. Иҳәеит ,аҳәаанырцә аус зуа,  «Абаза ТВ» аус зухьаз ажурналистцәеи дареи аимадара ҕәҕәа шрыбжьоу, уи иабзоураны ишалыршахо аоперативла аусура. Инаҵшьны иазгәеиҭеит, рканал аусура шзалмыршахоз уи аҧҵаҩыс иамоу аусдкылаҩ Беслан Быҭәба ицхыраара ада. Жәашықәса аканал ҭыҧк аҿы игыламызт, есааира ҧхьаҟа ицон, иҿион, ицәырҵуан еиуеиҧшым адырраҭарақәа. «Автограф», «Постфактум», «Аамҭак иҳацану», «Ветер Века» уҳәа ицәырҵит хырхарҭа рацәала адырраҭарақәа. Ателехәаҧшра аоператор Торник Амҷба ателехәаҧшра хацыркуижьҭеи аус иуеит. Арахь ааҧхьара анирҭа , иаразнак дақәшаҳаҭхеит. Амҷба иазгәеиҭоит, уи аахыс зныкгьы дшахьымхәыц. Жәашықәса раҧхьа, ииашаны аусура аҭыҧ шалихыз.

Еиҵагыло аҿар ракәзар, урҭгьы реиҳабацәа рҧышәа рымдо  аус руеит. Иазгәарҭоит , аусураҿы зегьы ҭаацәа дук  реиҧш ишыҟоу,ишырзаҧҵоу араҟа аҿиаразы аҭагылазаашьақәа зегьы. Русура аилибакаареи, алафи шьаҭас ишамоу. Атехәаҧшра «Абаза-ТВ» жәашықәса ахыҵра рыдиныҳәалеит аҳәынҭқарра ахада Рауль Ҳаџьымба. Уи ателехәаҧшра имҩаҧнаго аус даара ахә иҳаракны ишьеит.
Руслан Ҳашыг атәыла ахада иҭабуп ҳәа иеиҳәеит  аҳәынҭқарра анапхгара ателехәаҧшра азҿлымҳареи, адгылареи ахьарҭо азы.

Ателехәаҧшра адиректор ианашьан агәаларшәагатә ҳамҭа, анаҩс ааҧхьара иман Аҧсны Жәлар Реизарахь. Уаҟагьы иҳәан имаҷымкәа ажәа ҟәандақәа. Ателеканал «Абаза-ТВ» адиректор хада Руслан Ҳашыг ҳаниҿцәажәоз  иазгәеиҭеит, ателехәаҧшра аҿаҧхьа имаҷымкәа аусқәа шышьҭоу, ҧхьаҟатәи агәҭакқәа рымаӡа аамыртыкәа иҳәеит,иаарласны ишцәырҵуа ажәлар ргәы иақәшәо иҿыцу адырраҭарақәа.Иахьагьы , аныҳәамш аҽны,  Абаза –ТВ есҽнеиҧш аус ауеит.

Н.Ақаҩба, Б.Џьынџьал,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
63
19 Февраль 2018
104
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
101
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
136
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
95
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
128
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
133
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК