Адунеи аҿы ииун 26, анаркотикатә маҭәашьарқәа рҿагылара иамшуп ҳәа иҧхьаӡоуп.

26.06.2017
812

Адунеи аҿы ииун 26, анаркотикатә маҭәашьарқәа рҿагылара иамшуп ҳәа иҧхьаӡоуп. Ари апроблема ицәырнаго ауадаҩрақәа маҷӡам ҳреспубликаҿгьы. Уи зыхҟьо атәы рҳәеит апресс- конференциа аҟны Аҧсны анаркологиатә диспансер аҳақьым хада Ирма Ануеи, ацентр « Аҿар ргәабзиара» анапхгаҩы Ҭемыр Қардиеи. 

Адунеи зегьы аҟны еиҧш, ҳреспубликаҿгьы анаркотикатә маҭәашьарқәа рыҭиреи, рыдкылареи ицәырырго апроблемақәа маҷӡам. Иааидкыланы уахәаҧшуазар, Аҧсны ҩнызқьҩык инарыцны анаркотикатә маҭәашьарқәа рыдыркылоит, мамзаргьы арыжәтә џьбарақәа ржәуеит, - лҳәеит Ирма Ануаҧҳа. Дара рахьтә жәшәҩык рҟынӡа анаркотикатә маҭәашьарқәа рҽымхәшәтәыкәа рыдкылара изаҟәыҵуам. 

Анарколог хада иазгәалҭеит, иҳаҩсыз ашықәс азы анаркотикатә маҭәашьарқәа ҿыц ргьама абара ишалагаз хышә- ҩык рҟынӡа. Аҧсны иҟоуп анаркологиатә диспансер. Шамахамзар араҟоуп инамцхәны анаркотикатә маҭәашьарқәа здызкыло рыҧсы ахьеиқәдырхо раҧхьа. Анаҩс ареспубликатә хәышәтәырҭа аҧсеиқәырхарҭа аҟәшахьы идәықәрҵоит. Анаркологиатә диспансер аҟны сынтәа зыҧсҭазаара иалҵхьоу аӡә иоуп. Егьырҭ инамцхәны анаркотикатә маҭәашьарқәа рыдкылара иахҟьаны, здунеи зыҧсаххьоу рсиа адиспансер аҟны ирымаӡам. Имаҷҩым анаркотикатә маҭәашьарқәа рыдкылара ҳаҟәыҵырц ҳҭахыуп ҳәа аҳақьымцәа ирыдҵаало. Аха мышқәак рнаҩс, ргәаанагара аҽаҧсахуеит. Ацентр “аҿар ргәабзиара” анапхгаҩы Ҭемыр Қардиа иазгәеиҭеит, ҩнызқьи жәаха шықәса инаркны дара рҟны ҽыхәышәтәра ишнеихьоу жәшәҩык инарыцны. 

Анаркотикатә маҭәашьарқәа рыдкылара иаҟәыҵырц зҭахыу убасгьы ргәабзиара шьақәдыргылар рылшоит Урыстәылатәи ацентрқәа рҟны. Аха уи азы ахәҧса дара рхаҭақәа мамзаргьы рҭаацәа иршәозароуп. Ареспубликаҿы иҟоуп зықәра маҷу аҿар анаркотикатә маҭәашьарқәа ргьама абара иалаго. Апресс- конференциаҿы убасгьы иҳәан, ашәҟәы ианҵоу анаркотикатә маҭәашьарқәа здызкыло рахьтә хыҧхьаӡарала аҧсуаа шеиҳау.

 Д.Инаҧшьба,А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
37
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
13
Аусмҩаҧгатә рхы аладырхәит ашәҟәыҩҩцәа, ауаажәларратә усзуҩцәа, астудентцәа, ашколхəыҷқəа.
13
Ааигәа ақаҭран ақәҵара хыркәшан Алашарбага аҳаблеи Алада Ешыреи еимаздо амҩеи, Имам Шамиль имҩеи.
13
Акциа зҽалазырхәуа зегьы аизара иалагоит Самсон Ҷанба ихьӡ зху Аҧсуа драматә театр  аҿаҧхьа.
13
Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК