Аҟәа ақалақь ахадара аҵараусбарҭа абзоурала ашкол аушьҭымҭацәа рзы имҩаҧган ахәылҧаз.

26.06.2017
416

Аҟәа ақалақь ахадара аҵараусбарҭа абзоурала ашкол аушьҭымҭацәа рзы имҩаҧган ахәылҧаз. Сынтәа Аҧсны абжьаратә школқәа ирылгеит зқьи жәшәи ҩынҩажәи жә-ҩык аушьҭымҭацәа. Урҭ рзы ари амш ныҳәа дууп. Дара ргәы хыҭ-хыҭуа, мызла  иззыҧшыз ақалақьтә бал аарыдгылт. Уи иазкыз аныҳәа хацыркхеит  Аҟәа ақалақь Ахьӡ-аҧша  апарк аҿы ашәҭқәа рышьҭаҵарала.

Шарыҭхәа Ҭаниа ахәбатәи абжьаратә школ даушьҭымҭоуп. Иара иаҧхьаҟа инапы злаикша азанааҭ алиххьеит. Ҭоурыхҭҵааҩыс дҟаларц игәы иҭеикит. Урыстәыла иреиҳау аҵараиурҭа дҭалахьеит. Иара иҳәоит, ишыгәхьааигало жәеиза шықәса аџьабаа ду идызбалаз ирҵаҩцәа. Ирацәоуп игәалаиршәаша ахҭысқәа ашколтә ҧсҭазаара аҟынтәи, аха урҭ зегь реиҭаҳәара уалагар, шәҟәык алҵыр ауеит иҳәоит, Шарыҭхәа. Аҵара ицызҵоз иҩызцәа раҧхьаҟа аихьӡарақәа рзеиҕьишьеит.

Хьтәы медалла зҵара хзыркәшаз  дреиуоуп Аҟәатәи аҧшьбатәи абжьаратә школ аушьҭымҭа Зураб Ҭыжәба. Иара Краснодар ақалақь аҿы иҟоу аҩныҵҟатәи аусқәа рминистрра ауниверситет дҭалахьеит. Нанҳәа анҵәамҭазы уаҟа изыҧшуп, аҭоуба иурц азы.   Игәҭакгьы ҳаиҳәеит, иҵара хыркәшаны аҩныҟа даныхынҳәлак ашьҭахь, аполитикахь ихы ирхарц игәы ишҭоу. Зураб иаҧхьаҟатәи изанааҭ алхраҟны идгылаз иреиуоуп аҵара ицызҵоз иҩызцәа.

Сынтәа Аҧсны ашколқәа ирылгеит зқьи жәшәи ҩынҩажәи жә-ҩык аушьҭымҭацәа. Урҭ рахьтә Аҟәа ақалақь иаҵанакуа ашколқәа ирылгеит  фышәи хынҩажәи зеижә-ҩык аушьҭымҭацәа. Зҵара ибзиаӡаны ихзыркәшаз жәохә-ҩык ракәхеит. Ахьтәы медалла иалгаз хә-ҩык ыҟоуп, Леонардо Гәымба, Есма Гьерзмааҧҳа, Садиа Занҭариаҧҳа, Расида Амқәабҳа, Зураб Ҭыжәба.

Аҟәа ақалақь ахадара аҵараусбарҭа  аушьҭымҭацәа рзы имҩаҧнагеит аныҳәатә хәылҧазы. Аушьҭымҭацәа иранашьан ашкол ишалгаз атәы зҳәоз аршаҳаҭгақәа. Иара убасгьы Аҧсны иҟоу аусдкылаҩцәа рассоциациа аиҳабы  сынтәа ахьтәы медалла иалгаз аушьҭымацәа рнапаҿы ириҭеит аҧаратә ҳамҭа.  Анаҩс еизаз зегьы идырбан ашколхәыҷқәеи, ахәыҷбаҳчақәа рааӡамҭацәеи, акәашаратә гәыҧқәеи рымчала еиҿкааз ақәгылара.

Наала Чхьынџьериаҧҳа, Леон Адлеиба, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
101
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
99
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
111
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
219
14 Февраль 2018
207
Загрузка плеера
Алаҳәарақәеи адныҳәаларақәеи
АГТРК