Ахәылҧаз рзеиҿкаан Тҟәарчалтәи ашколқәа аушьҭымҭацәа.

26.06.2017
657

Жәеиза шықәса шьҭахьҟа иааныжьны, аҭакҧхықәра зцу аҧсҭазаара ду ахь ршьаҿа еихыргеит ашколқәа раушьымҭацәа.   Раҧхьатәи арҵаҩы,  аҩызцәа, адырра ҿыцқәа -  урҭ зегьы жәеиза шықәса рыҩныҵҟа.  Ашколтә ҧсҭазаара хзыркәшо аушьҭымҭацәа рыхәылҧаз хацдыркит , ҳтәыла раҧхьатәи ахада Владислав Арӡынба ибаҟа аҭаара ала, иара убас ашәҭ шьыҵәрақәа шьҭарҵеит Тҟәарчалаа рҵеицәа анышә иахьамадоу аҭыҧаҿ.

Ашколтә ҧсҭазаара иацын алахҿыхрақәа, аихьӡарақәа, иҟалалон ауадаҩрақәагьы , аха урҭ  шьҭахьҟа инхеит. Сынтәа Тҟәарчал араион аҟны  абжьаратә ҵара хдыркәшеит шәи ҩынҩажәи жәаҩа ҩык аушьҭымҭацәа. Урҭ рахьтә, хьтәы медалла далгеит Тҟәарчалтәи актәи абжьаратә школ аушьҭымҭа Александр Ҷкадуа, иара Москватәи аҳәынҭқарратә жәларбжьаратәи аизыҟазаашьақәа ринститут даанахәахьеит, иара убас ҧшьба – хәба ҳәа аҵара хдыркәшеит ҩынҩажәи жәаҩа ҩык аушьҭымҭацәа.  

Жәеиза шықәса ирылагӡан аихьӡара бзиақәа аазырҧшуаз аушьҭымҭацәа иранашьан аҳаҭыртә грамотақәа. Тҟәарчал араион аҵара аҟәша аиҳабы аушьҭымҭацәа ирыдныҳәало, урҭ рааӡаҩцәеи рҭаацәеи иҭабуп ҳәа ралҳәеит дара рџьабаа азы.

Аушьҭымҭацәа дрыдныҳәалеит араион ахада Аида Чачхалиаҧҳа. Лара илҳәеит, ишазыҧшызаауа аспециалистцәа раҳасаб ала ақалақь ахь рыхынҳәра.

Аныҳәа иалахәыз аҭаацәа ракәзар, ргәы хыҭ хыҭуа рхәыҷқәа ирзыҧшуан, урҭ рхы рҿы ианубаалон  аразреи агәыбылреи. Дара иҭабуп ҳәа рарҳәеит рыхшара жәеиза шықәса инеиҧынкылан аџьа рыдызбалоз арҵаҩцәа.Иазгәарҭеит, ари  амш кыр зҵазкуа мшны ишыҟоу,рыхшарагьы даргьы рзы.

Ашколтә ҧсҭазаара хзыркәшаз рхыҧхьаӡараҿы иҟоуп иреиҳаӡоу аҵараиурҭақәа ирҭалахьоу, иара убас иҟоуп згәы хыҭхыҭуа аҧышәарақәа ирзыҧшугьы.

Аушьҭымҭацәа ажәа ҧхақәа рызкын, ирзеиҕьашьан ақәҿиара дуқәа рнапы зларкуа зегь аҿы. Акультуратә ҩны аҩныҵҟа еиҧш уи анҭыҵгьы еиҿкаан аныҳәа, ааҧхьара рыман аҧсуа естрадатә шәаҳәаҩцәа. Илахҿыхыз аныҳәа хыркәшан асолиутқәа рыла.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
111
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
67
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
113
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
148
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК