Шьукин ихьӡ зху Москватәи аинститут ахҧатәи акурс аҿы аҵара зҵо аҧсуа студентцәа апрактика Аҧсны иахысуеит.

26.06.2017
565

Шьукин ихьӡ зху Москватәи аинститут ахҧатәи акурс аҿы аҵара зҵо аҧсуа студентцәа апрактика Аҧсны иахысуеит.

Араҟа дара аҧсуа хәаҧшцәа рзы иаздырхиаз ақәыргыламҭақәа ддырбаратә алшара рыман. Хәымш ирылагӡаны урҭ ирылдыршеит рҟазара аарҧшра.

Сынтәа ҩышықәсоуп Шьукин ихьӡ зху Москватәи аинститут аҿы аҵара зҵо аҧсуа студентцәа Аҧсны рҟазара аадырҧшуеижьҭеи. Хымш ирылагӡаны дара ирыман алашара Аҧсуа драмтә театр анаҩсгьы аурс театр аҿы рхы аарҧшра. 

Актиор изанааҭ знапы алаку изы краҵанакуеит ас иҧш иҟоу аиҧыларақәа реиҿкаара, шықәсык иалагӡаны ирҳаз идыррақәа ахәаҧшцәа рызнагаразы, ҳәа азгәалҭоит Шьукин ихьӡ зху аинститут аҧсуа гәыҧ анапхгаҩы Елена Одинцова. Ирымаз аамҭа рхы иархәаны, актиорцәа аҧсуа хәаҧшцәа ирыдыргалеит аспектакльқәа ҩбеи алитературатә музыкатә хәылҧази. Актиорцәа ҿарацәа ганарацәала рҟазара аарҧшразы ирыман алшарақәа зегьы. Аҵыхәтәатәи амш азы Аҧсуа хәаҧшцәа ирыдгалан Гоголь иҩымҭа иалху аспектакь «Игроки». . Астудентцәа ирҳәоит, аҧсуа хәаҧшцәа рҿаҧхьа ақәгылара дара рзы лымкаала шҭакҧхықәра дуу. Ҳҟазара аарҧшараҿы краҵанакуеит ахәаҧшҩы ушидикыло, рҳәоит дара Аспектакль «Игроки» аҿы иаарҧшуп амаца ахәмарра бзиа избоз, аҧара иашьҭаз, уи ишакухалакгьы рнапахьы ииасыртә иҟазҵоз гәыҧҩык ауаа рхаҿсахьақәа. 

Астудентцәа ирҳәоит, рольк аҟынтә даҽа ролькахь аиасра шырцәыуадаҩым - ахаҿсахьақәа зегьы рынагӡараҿы ухы ааурҧшыроуп рҳәоит дара . Хышықәса раҧхьа Шьукин ихьӡ зху аинститут аҿы иҟаӡамызт аҧсуа гәыҧ, уи анеиҿкааха ашьҭахь, араҟа аҵара рҵоит жәеизаҩык астудентцәа. 

Иҳәатәуп иара убас, урҭ рахьтә зхатәы бызшәала ихәыцуа иҟоу хәҩык шракəу. Сааҭк инарзынашуа ицоз ари ақәыргыламҭа ахәаҧшцәа гәахәара дула ирыдыркылеит. Уи анхыркəшаха, акультура аминистр Ельвира Арсалиа ҭабуп ҳәа ралаҳәеит Фазиль Искандер Ихьӡ зхыу акультуратә фестиваль рхы ахьаладырхәыз азы . Иуҳәар аралшоит, уажәшьҭа аҧшьбатәи акурс ахь ииасыз астудентцәа русутә практика қәҿиара дула имҩаҧысит ҳәа.  

Фатима Гьергьиаҧҳа, Артур Каландиа АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
53
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
31
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
84
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК