Ауаажәларратәи аҳәынқарратәи усзуҩы Владимир Аҩӡба 80- шықәса ихыҵит.

27.06.2017
611

Еицырдыруа Ауаажәларратәи аҳәынҭқарратәи усзуҩы, Аҧсны зҽаҧсазтәыз ажурналист, Аҧсны аҳәынҭқарра ацҳаражәҳәаҩ нага , «Ахьӡ- аҧша» аорден ахҧатәи аҩаӡара занашьоу, Владимир Џьамал –иҧа Аҩӡба 80- шықәса ихыҵит.

Ари арыцхә аҳаҭыр азы Аҧсуаҭҵааратә институт аҿы имҩаҧган аконференциа. Владимир Џьамал - иҧа даагылазаргьы Аҧсныи аҧсуа жәлари рҭоурых дазҿлымҳан, еиҳаракгьы ахшыҩзышьҭра зиҭоз ахҵәара иақәшәаз ҳџьынџьуаа рҭоурых акәын. Иара инеиҧынкыланы 20 шықәса инарзынаҧшуа Аҧсны ацҳаражәҳәаҩыс Ҭырқәтәыла аус иуан. Уи аамҭа иалагӡаны инапынҵақәа рынагӡараҿи, амшын нырцә инхо ҳџьынџьуаа реидкылара аус аҿи илшаз маҷӡам. «Сызнысыз амҩа мариамзаргьы, ҭоурыхла ибеиоуп. Д. Гәлиа ихьӡ зху Аҧсуаҭҵааратә институт ахь сымҩахыҵра сыҧсҭазаараҿы насыҧ дук исзаҩызахеит, араҟа сыҧсы сшьоит, - иҳәоит аиубилиар. 

Владимир Џьамал-иҧа иҳәоит, иҧсҭазааратә мҩа ҿыц анысра иқәшәар, уи дшацәхьамҵуа. «Сыжәлар ирыхәаша акыр сзыҟаҵазар, насыҧ змоу рахь схы сыҧхьаӡоит»- иҳәоит аиубилиар. Аҵарауаҩ ииубилеи аҳаҭыразы имҩаҧгаз аконференциа ааиртит Аҧсуаҭҵааратә институт аиҳабы Арда Ашәба. Иара иҳәеит, Владимир Аҩӡба инапы злаикуа зегьы шицааиуа, ауаажәларратә усзуҩ иаҳасаб ала илагала шырацәоу.

Аиубилиар ихьӡала Аҳәынқарра Ахада Рауль Ҳаџьымба иҟаиҵаз Адныҳәаларатә шәҟәы даҧхьеит Атәыла ахада иабжьгаҩ Владимир Занҭариа. Ирацәан адныҳәаларатә жәақәа. Зегьы еицазгәарҭон, Владимир Џьамал иҧа Аҩӡба диижьҭеи 80 –шықәса аҵара иазкыз аконференциаҿы иҟаҵан акымкəа ажәахәқәа. Урҭ рҟны ирзааҭгылан аҵарауаҩ инапы иҵихыз аусумҭақәа ртәы. 

 Фатима Гьергиаҧҳа, Асҭамыр Гәажәба АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
7
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
37
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК