Иаҧҵоуп даҽа гәыҳалалратә еиҿкаарак.

27.06.2017
544

Иаҧҵоуп   даҽа  гәыҳалалратә  еиҿкаарак. "Агәыҳалалра  ацҳаражәҳәаҩцәа »,- абас  ахьӡуп адкыларҭа ҿыц. Аиҿкаара ахықәкыи  аҵаки   ҳкорреспондентцәа  ранҵамҭаҿы.

Агәыҳалалра  ацҳаражәҳәаҩцәа руаажәларратә дкыларҭахь имҩахыҵырц    рылшоит  еуеиҧшым  апроектқәа змоу   ҳтәыла  ауааҧсыра . Адәныҟатәи аусқәа рмнистр  ихаҭыҧуаҩ  Кан Ҭаниа иажәақәа рыла , урҭ  ирыдыркылоит апроект аҟынӡа инаӡам аҧшьгарақәагьы, анаҩс  ирыхәаҧшны   аус  рыдуланы    апроект аҟынӡа инаганы   ашәҟәы  иҭаргалоит.

Агәыҳалалра   ацҳаражәҳәаҩ  Кама Гәаҧиаҧҳа иазгәалҭеит ,актәи  апроект «Агәыҳалалра ҳәаада »ҳәа хьӡыс измоу  аҳәаақәа ирҭагӡаны , адәқьан «Аҟәа -маркет »аҿы ишеиҿкаау  агәыҳалалратә  кәакь . Араҟа иқәу афатәқәа , мамзаргьы  егьырҭ еиуеҧшым   аалыҵқәа  хәыда -ҧсада ирыдгалоуп  зсоциалтә ҭагылазаашьа цәгьоу  ауааҧсыра . Ари акәакь  есыҽны ихадырҭәаауеит . Агәыҳалалра  ацҳаражәҳәаҩцәа  агәыҕра рымоуп ,  акәакь  ахарҭәаара  рҽаладырхәып  ҳәа агәаҳәара змоу зегьы . Кама Гәаҧиаҧҳа илҳәеит , мчыбжьык аҩныҵҟала  ари аҩыза  агәыҳалалратә  акциа  шеиҿкаахо  Тҟәарчал ақалақь аҿы , анаҩс  Очамчыра уҳәа Аҧсны егьырҭ араионқәеи  ақалақьқәеи рҿы .

Агәыҳалалра  ацҳаражәҳәаҩцәа  рофис  аартуп  абри  аҭыӡҭыҧ  ала :Пушкин имҩаду 16, Абизнес –центр «Гәдоу плаза »ахәбатәи аихагылаҿы . Адкылара  мҩаҧгахоит есыҽны  ашәахьа инаркны аҩашанӡа .

Дениза Гьергьиаҧҳа , Ельдар Дамиров  АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
25
Уи абзоуроуп аилахәыра «Аҟәафон » иҟанаҵаз афинанстә цхыраара .
27
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
43
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК