Гәылрыҧшь араион иаҵанакуа аҵара ҟәшеи акультуратә хани рыцхыраарала, аушьҭымҭацәа ирзеиҿкаан ахәылҧаз.

27.06.2017
650

  Гәылрыҧшь араион иаҵанакуа аҵара ҟәшеи акультуратә хани рыцхыраарала, аушьҭымҭацәа ирзеиҿкаан ахәылҧаз. Аушьҭымҭацәа дрыдныҳәалеит Аҧсны Ахада.

Гәылрыҧшь араион иаҵанакуеит жәаха школ. Сынтәа араион абжьаратә ҵарариурҭақәа  ирылгаз рхыҧхьаӡара  шәи ҩажәи зеижә ҩык ыҟоуп. Есышықәса аушьҭымҭацәа  рзы акультуратә хан аҿы имҩаҧыргоит ахәылҧаз. Убас  иара  сынтәагьы аушьҭымҭацәа  ирзеиҿыркааит  

Гәылрыҧшь араион аушьҭымҭацәа рҟынтәи иҟоуп  Урыстәыла иреиҳаӡоу аҵараиурҭақәа ирҭалахьоу. Ашкол ҧшьба хәба ҳәа иалгаз ҩынеижәи жәа-ҩык аушьҭымҭацәа ыҟоуп. Араҟа дара рнапаҿы ирыҭан ашкол ишалгаз атәы зҳәоз аршаҳаҭгақәа. Убри иаҷыданы, ҳамҭасгьы ирыҭан Аҧсны аҭоурых арыцхәқәа ртәы зҳәо ашәҟәы. Ахәылҧаз иаҭааз аҵареи аҭҵаарадыррақәеи рминистр Адгәыр Какоба аушьҭымҭацәа дрыдныҳәалеит.
Уарчатәи ашкол иалгаз дреиуоуп Инал Торчуа.  Иара иаҧхьаҟа изыҧшуп имаҷымкәа аҧышәарақәа. Урҭ руак иаарласны иҭираны  дыҟоуп.  Инал дҭаларц игәы иҭоуп афилологиатә факультет. Иара иҳәоит, аџьабаа идызбалаз ирҵаҩцәа рааҧсарақәа шимырӡуа атәы.

Ҧшьаҧтәи ашкол даушьҭымҭоуп  Моника Гогьиаҧҳа. Лара лыкласс аҿы хә-ҩык аҵара лыцырҵон. Урҭ зегь  шыгәхьаалгало атәы лзыҵәахуам. Лыблала иубарҭоуп жәеиза шықәса аҵара лыцызҵоз лҩызцәа гәакьацәа рахь агәыбылра шлымоу. Лаҧхьаҟа лнапы злалкәа  азаанаҭ -аҳақьымра ауп.

Аушьҭымҭацәа раҧхьаҟа ишьҭоуп амҩа лашеи, иҿыцу аибадырра    ҿыцқәеи. Аха ихадоу акоуп, аҵара  иалганы рыҧсадгьыл ахь ахынҳәра, ҳәа азгәарҭон ахәылҧаз аҿы. Гәылрҧшь араион ахада Аслан Бараҭелиа иқәгылараҿы иҳәеит, аушьҭымҭацәа ахьыҟазаалакгьы  рбызшәа рхамышҭырц  шахәҭоу. Иахьцалакгьы аҵара дзырҵоз рырҵаҩцәеи дареи  аимадара    рыбжьазарц шаҭахыу.

Наала Чхьынџьериа, Саид Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php