"Амшеикəшара иацу". Аҧсны Аҧыза-министр Гəдоуҭа араион аҿы иҟазаара.

27.06.2017
467

Ҩнызқьи жәибыжь- ҩнызқьи зеижә шықәсқәа рзы Урыстәыла Аҧсны иазыҟанаҵо аинвестициатә программа аҳәаақәа ирҭагӡаны Гәдоуҭа араион асоциал- економикатә ҭагылазаашьа аиҕьтәразы иоужьхоит миллиардки ҩынҩажәа миллион мааҭ аҧара. 

Араион асеиҧш мҽхакы ҭбаала ацхыраара азыҟаҵоуп раҧхьаӡа акәны. Абри атәы иҳәеит Гәдоуҭа аилацәажәара мҩаҧызгаз Аҧыза- министр Беслан Барцыц. Аилацәажәара иалахәын араион анапхгара, араионтә еизара адепутатцәа, ақыҭақәа рнапхгаҩцәа , аиҳабыра реилазаара акапиталтә ргылара аусбарҭа ахаҭарнакцәа.

Гәдоуҭа араион аҟнытә Аҧсны Жәлар реизара адепутатцәа. Гәдоуҭа араион иазыҟаҵахо аҧаратә цхыраара ахархәара азухоит амҩадуқәа рыҟаҵареи, ашколқәа рхыбрақәеи аӡымҩангагақәа реиҭашьақәргылара. Аилацәажәара ашьҭахь, Аҧыза- министр Беслан Барцыц дырҭааны ибеит зеиҭашьақәргылара иаҿу ашколқәа , иара убасгьы Гәдоуҭа араион Џьырхәа ақыҭантәи амҩадуи. Аилацәажәара аартуа, Гәдоуҭа араион ахада Руслан Ладариа иҳәеит, араион иазыҟаҵахо афинанстә цхыраара акыр зҵазкуа хҭысны ишыҟоу атәы. Аҧсны Аҧыза министр Беслан Барцыц иқәгылааҿы инарҭбаан далацәажәеит ареспублика Урыстәыла иазыҟанаҵо аинвестициатә программа ицәырнагоз азҵаарақәа рыӡбара шымҩаҧысуаз ҩ- ҳәынҭқаррак реиҳабыра-бжьаратә комиссиақәа реилатәараҿы. Уаҟа шакәу Аҧсны иазоужьхо аҧара ахыҧхьаӡара азҵаарагьы ахьыӡбаз. 

Аҧыза министр иҳәеит, Гәдоуҭа ақалақь март ҧшьба ахьӡ зху амҩа аиҭашьақәыргылара ишақәыхарџьхо ҩажәи фба миллион мааҭ, Арӡынба ихьӡ зху амҩаду ҩажәи хәба миллион, Ӡиӡариа ихьӡ зху амҩаду ҩажәи быжьба миллион. Иааидкылан араион амҩадуқәа реиҭашьақәргылара иазоужьхоит шәи ҩажәижәибыжь миллион мааҭ аҧҵара. Ҩажәа миллион мааҭ ақәырӡхоит Мысра, Афон уҳәа амҩадқәа ахьҿыбго арҕәҕәаразы. Ҩнызқьи жәибыжь – зеижә шықәсқәа рзы идыргылараны иҟоуп Афон ҿыцтәи ахәыҷбаҳча . Идыргылараны иҟоуп ҩышықәса ирылагӡаны. Иара иазоужьхоит шәи ҩажәи жәаф миллион мааҭ аинвестициатә ҧара.

Аиҭашьақәргылара иалагеит Платон Шьаҟрыл ихьӡ зху Лыхнытәи абжьаратә школ. Арҭ аусқәа рымҩаҧгарагьы аҧара азоужьуп. Ҧшьынҩажәа миллион мааҭ азоужьуп Фридон Аҩӡба ихьӡ зху Гәдоуҭатәи ахҧатәи абжьаратә школ ахыбра аиҭашьақәыргылара. Аӡымҩангагақәеи, ацрыҵқәа згои рыҧсахра иазоужьуп шәи ҩынҩажәи жәаҩа миллион мааҭ. Убри аан Аҧыза- министр иҳәеит, арҭ аусқәа зегьы араион аҿтәи анаплакқәа ишынарыгӡо . Дара русура аҟнытә ашәахтә абиуџьет ишаланагало. Иазгәеиҭеит, аӡымҩангагақәа шаахәатәу уи ҭзыжьуа Гәдоуҭатәи анаплакы аҟнытә. 

Аилацәажәара иалахәыз аҳәынҭқарра иҟанаҵо ацхыраара иҭабуп ҳәа ахырҳәааит. Иазгәарҭеит, аинвестициатә программа анагӡара ауаа аусурҭа ҭыҧқәа шырнаҭо атәы. Аҧсны Аҧыза- министр Беслан Барцыц иҳәеит, аинвестициатә программа аҳәаақәа ирҭагӡаны имҩаҧгахо аусқәа рырманшәаларазы ишаҧҵатәу аштаб. Иазгәеиҭеит, хаҭала уи аусура ихы шалаирхәуа.

Аилацәажәара анаҩс Аҧыза- министр даҭааны ибеит Фридон Аҩӡба ихьӡ зху Гәдоуҭатәи ахҧатәи абжьаратә школ. Араҟа аиҭашьақәргыларатә усурақәа ирылагахьеит. Аиҭашьақәргыларатә усурақәа ирҿуп Лыхнытәи абжьаратә школ аҟны. Араҟа асеиҧш аусурақәа мҩаҧырымгеижьҭеи акыр шықәсқәа ҵуан. Аҧыза- министр Беслан Барцыц убасгьы дырҭааит Џьырхәа ақыҭа. Арҭ амшақәа рзы араҟа ақыҭа амҩаду аиҭашьақәргылара хацдыркит, аинвестициатә программа аҳәаақәа ирҭагӡаны. Џьырхәа амҩаду аиҭашьақәргылара азҵаара ықәдыргылоижьҭеи акыраамҭа ҵуан. Аҧыза- министр Беслан Барцыц Гәдоуҭа араион аҿы иныҟәара ахырқәшамҭаз иҳәеит, иазгәаҭаны ирымоу аусқәа рынагӡашьа аиҳабыра ахылаҧшра ҕәҕәа шазыҟарҵо. 

Д.Инаҧшьба, А. Агәхаа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
92
22 Ноиабр 2017
7
22 Ноиабр 2017
11
Ҿҳәарас иамазаауеит жәа-шықәса .
22 Ноиабр 2017
12
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
148
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК