Афырхаҵара Ахьӡ- Аҧша апарк аҟны иҧсыбаҩ анышә иамардеит Аҧсны Афырхаҵа Дмитри Чепенец.

28.06.2017
447

Афырхаҵара Ахьӡ- Аҧша апарк аҟны иҧсыбаҩ анышә иамардеит Аҧсны Афырхаҵа Дмитри Чепенец. Иара арратә дҵа анагӡара аан дҭахеит Кәыдырҭа 1993 шықәса ииун мзазы. Убри аахыс иҧсыжырҭа аӡәгьы издырӡомызт. Афырхаҵа иҭаацәеи иҭынхацәеи идикылеит Аҧсны Ахада Рауль Ҳаџьымба.

Анаҩс, афырхаҵара Ахьӡ-Аҧша апарк аҿы имҩаҧган алахьеиқәратә митинг. Уи иалахәын Атәыла анапхгара, аибашьра аветеранцәа, ауаажәларратәи, аполитикатәи еиҿкаарақәа рхаҭарнакцәа. Алик Мебониа аибашьра анцоз ҩажәи жәаха шықәса зхыҵуаз ибзианы игәалашәоит Кәдырҭаҟа амҩа ианықәлаз аҧшыхәра- диверсиатә гәыҧ. Избанзар уи напхгара азызуаз иара иакәын. Ари агәыҧ далан Дмитри Чепенец. Дҵас ирыман Сакьан афымца цәаҳәа мҩанызгоз ашьаҟақәа рыҧжәара. Аҧсуа ҧшыхәцәеи ақырҭқәеи реиҿахысра аан дызгашаз ахы иқәшәеит Дмитри Чепенец.

Иара иҩызцәа данырзымҧшаа, рышьҭахьҟа ихьаҵыр акәхеит. Аҧсны Ахада Рауль Ҳаџьымба идикылеит Дмитри Чепенец иҭаацәеи иҭынхацәеи. Иҳәеит хаҭала Дмитри Чепенец дшидыруаз. Арратә дҵа анагӡаразы амҩа ианықәлоз уи аҭыҧ аҿы дшыҟаз. Атәыла Ахада иазгәеиҭеит, Дмитри Чепенец иҩызцәа Аҧсны иааны иҳавагылаз хашҭра шрықәым. Аҧсны АФырхаҵа иҧшәма ҧҳәыс Елена Чепенец иҭабуп ҳәа ахылҳәааит Дмитри ибаҩ ҧшааны Аҧсны анышә иахьамардаз азы. Аҧсны Ахада Дмитри Чепенец иҧшәма ҧҳәыс агәаларшәагатә ҳамҭа лнапаҿы илиҭеит. Афырхаҵара Ахьӡ- аҧша апарк аҟны иқәыргылан Дмитри Чепенец иҧсыбаҩ зҭаз аҭоубыҭ. Иара дахьжыз аҭыҧ аҧшаара алырышахеит Жәларбжьаратәи Аџьар Ҟаҧшьи, Аҧсны аиҳабыреи, атәылахьчара аминистрреи рыбзоурала. Аҧсны Афырхаҵа аҵыхәтәантәи имҩахь днаскьаргон Аҳәынҭқарра анапхгара, иҭахаз аибашьцәа ранацәа, аибашьра аветеранцәа, аруаа.

Амитингаҟны ицәажәоз ирҳәон, Дмитри Чепенец ифырхаҵара хашҭра шақәым атәы. Дмитри Чепенец Афырхаҵара Ахьӡ- аҧша апарк аҟны анышә дамардон афырхаҵа ишиаҭәоу ала. Иара иҧсы анҭаз иҩхьан, аибашьра аан дҭахар зхы иақәиҭу Аҧсны инышәнап ҟаларц шиҭахыз. Инагӡан уи иажәа. Аҧсны Афырхаҵа иҭаацәа уажәы инхоит Донецк. Иара арратә ҵараиурҭа дахьалгаз. Дара ирҳәеит шьҭарнахыс раҧхьа Приднестровие еибашьуаз, анаҩс аҧсуаа ирывагылаз анышә дахьамадоу аҭыҧ лассы ишаҭаауа. Ихшаз ирыхшаз иара иҿырҧшы ала ишырааӡо.

 Д,Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
74
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
75
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
62
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК