Урыстәылатәи азауадқәа иҭрыжьуа, ақыҭанхамҩаҿы рхы иадырхәо амыругақәеи атехникеи рӡыргара мҩаҧган Аминистрцәа Реилазаараҿы.

28.06.2017
480

Урыстәылатәи азауадқәа иҭрыжьуа, ақыҭанхамҩаҿы рхы иадырхәо амыругақәеи атехникеи  рӡыргара мҩаҧган Аминистрцәа Реилазаараҿы.

Афорум иалахәын  Аҧсны иҟоу Урыстәыла ахәаахәҭра ахаҭарнакреи,  Аҧсны аҳәынҭқарра аусбарҭақәеи, Ахәаахәҭра ааглыхратә палата ахаҭарнакцәеи,  Урыстәылеи  Аҧсныи русдкылаҩцәеи.

Ақыҭанхамҩа иадҳәалоу атемала афорум аиҿкаара рыбзоуроуп Аҧсны иҟоу Урыстәыла ахәаахәҭра ахаҭарнакреи ҷыдала атехникеи амаругақәеи рзы Урыстәылатәи аҭыжьыҩцәа рассоциациа «Роспецмаш-и»,  Аҧсны ақыҭанхамҩа аминистрра ацхыраарала.  Уи азы Аҧсны иаҭаан иҟоуп атехника аҭыжьра знапы алаку Урыстәылантәи асасцәа. Аусмҩаҧгатә аҳәаақәа ирҭагӡаны, Аҧсны аҳәынҭқарра иаҵанакуа аусбарҭақәа рхаҭарнакцәеи, амуниципалитетқәеи, Аҧсны ақыҭанхамҩа ахаҭарнакцәеи алшара рыман Урыстәыла иҭрыжьуа ақыҭанхамҩатә техникақәа рӡыргарала иааигәаны реибадырра.

Урыстәыла иҭрыжьуа атехника Аҧсны ақыҭанхамҩа знапы алаку ауаа ироуразы ашьаҿақәа ҟаҵатәуп, ҳәа азгәаҭан афорум аҿы. Аҧсны  беиоуп хкы рацәала ацитрустә аалыҵқәеи, еиуеиҧшым ашәырқәеи, ауҭраҭыхқәеи рыла. Урҭ шықәсыкахь ҩынтә раарыхра аҳауа аҭагылазаашьа маншәала иабзоуроуп. Амала ацәаҕәареи арашәареи, арахәааӡареи, ацхаҟаҵареи уҳәа  рҟны иҳагу рацәоуп, атехника аганахь ала иҳәеит, Аҧсны ақыҭанхамҩа аминистр Даур Ҭарба.

Урыстәылатәи аҭыжьыҩцәа рассоциациа «Роспецмаш» иаҵанакуеит шәи ҩынҩажәи жәаф наплакы, урҭ рахьтә иҟоуп  ақыҭанхамҩа иаҵанакуа, хаҭала амҩақәеи, афатә азы, амашьынаргыларақәеи ркомпаниақәа. Афорум аҳәаақәа ирҭагӡаны Урыстәылатәи акомпаниақәа, Аҧсны ақыҭанхамҩа знапы алаку рзы иӡырыргеит инарҭбааны ақыҭанхамҩаҿы ахәархәара змоу атауарқәа.
  
Аҧснытәи аусдкылаҩцәа алшара рыман Урыстәыла иҭрыжьуа ҳаамҭа иақәшәо атехника ахәаҧшра. Шьҭа дара ирылшоит доусы ргәы иақәшәо атехника алхра.  
Наала Чхьынџьериаҧҳа, Роберт Ломиа, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
91
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
57
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
89
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
49
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
63
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК