Аекскурсиамҩаҧгаҩцəа рзы аттестациа мҩаҧган.

28.06.2017
708

Ихырқәшахеит хымыз ирылагӡаны , Аҧсны Акуротқәеи атуризми рминистрра Аҧышәа змоуи, измами аескурсиа мҩаҧгацәа рдыррақәа ахьынӡаҵаулоу аилкааразы, имҩаҧнагоз аттестациа.

Ари аамҭа иалагӡаны уи иахысит хышәҩык инареиҳаны аекскурсиамҩаҧгаҩцәа. Аҧхынтәи аамҭазы Аҧсныҟа иаауа аҧсшьаҩцәа рзы аекскурсиақәа мҩаҧыргоит хәышәҩык инарзынаҧшуа ауааҧсыра. Аҧсны ҭоурыхлеи, ҧсабаралеи излабеиоу ала аекскурсиа амҩаҧгаҩцәа рдыррақәа ҵаулазароуп , аҧсшьаҩы изцәырҵуа азҵаарақәа зегьы рҭакқәа ҟарҵарц азы . Убри инамаданы, есышықәса акурортқәеи атуризми рминистрра аҿы урҭ рзы имҩаҧыргоит аттестациақәа.

Сынтәа аттестациа амҽхак ҭбаан. Акурортқәеи атуризми рминистрра еиҿнакааит уи хылаҧшра азҭо акомиссиа, иара еиднакылоит арҵаҩцәеи, аҵарауааи, ауаажәларра рхаҭарнакцәеи Акомиссиа алахәылацәа ирҳәоит, аттестациа иахысуаз адырра бзиақәа шаадырҧыз атәы. Аттестациа иахысит хышәҩык инареиҳаны аекскурсиамҩаҧгацәа, урҭ рахь иҟоуп ҩнтәны ахысра зықәшәазгьы Аттестациа мҩаҧысуан хазы ауадаҿы, уахь ааҧхьара рырҭон хәҩы -хәҩыла аекскурсиамҩаҧгаҩцәа. Дара рзы ишьақәыргылаз азҵаарақәа рҭакқәа аныҟарҵалак ашьҭахь, аиҿцәажәара мҩаҧыргон.

Акомссиа ахаҭарнакцәа , уаҟа иқәдыргылоз азҵаарақәа еиуеиҧшымызт. Аекскурсиамҩаҧгаҩцәа ракәзар ирҳәон, ас еиҧш иҟоу аттестациақәа рымҩаҧгара шахәҭоу, уи дара рдыррақәа шеизнарҳауа, аҭакҧхықәра шрыднаҵо. Аҵыхәтәантәи амш азы рдыррақәа аадырҧшуан ҩажәаҩык аекскурсиамҩаҧгаҩцәа, дара еиуеиҧшым ахырхарҭақәа рҿы аус руеит. Ирыдыз адҵақәа рҭак аныҟарҵа ашьҭахь, аекскурсиа амҩаҧгаразы азин ҟазҵо аршаҳаҭгақәа рыҭахоит. Уи анаҩс ауп дара закуанала аус руртә аҭагылазаашьа анроуа.

 Фатима Гьергьиа , Беслан Чхьынџьериа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК