Очамчыра ақалақь аҿы аусура иалагеит аџьықәреи иалху ашылеи ахырҕи ҭзыжьуа азауад.

29.06.2017
893

Очамчыра ақалақь аҿы аусура иалагеит Аҧсны аҿиара акомплекстә план аҳәаақәа ирҭагӡаны иргылаз, аџьықәреи иалху ашылеи ахырҕи ҭзыжьуа азауад. Ҩ- нызқьи жәаха шықәсазы ихацыркыз аусурақәа ирықәхарџьын жәеиза миллиони хәышә нызқь мааҭ аҧара.

Ари анаплакы Аҧсны раҧхьаӡа акәны аџьықәреи иалху зхаҭабзиара акыр иҳараку ашылеи ахрыҕи ҭзыжьуа зауадуп. Иахьазы араҟа аус руеит ааҩык, аха ааглыхра амҽхак ҭбаахар аусуҩцәа рхыҧхьаӡара иазырҳатәхоит. Азауад иҭнажьуа аалыҵ злырхуа аџьықәреи Аҧсны иаархәоит. Анаплакы аиҳабы Борис Кәартаа иажәақәа рыла, аџьықәреи Урыстәылантәи иааргозҭгьы, ахә акыр еиҵахон, аха убри аан аалыҵ ахаҭабзиара лаҟәуан. Азауад еиқәыршәоуп европатәи ашәага-загақәа ирыҵаркуа амыругақәа рыла. 

Аџьықәреи рлагаанӡа, х- етапкны арыцқьара иахысуеит. Анаҩс ауп уи алагара ианалаго. Ашыла акәзар, аҭра иҭарҵаанӡа компиутерла еиқәыршәо амыруга аҟны ирхәуеит ҩынтә, ахрыҕ - хынтә. Азауад аусзуҩцәа иазгәарҭоит, дара иҭрыжьуа аалыҵ ахаҭабзиара аҽакы ишаламҩашьо . Аха макьаназы еиҵазырхо ҳәа иҟоу раалыҵ ахьырҭиуа аҭыҧқәа ахьрымам ауп. 

Очамчыра араион ахадара ақыҭанхамҩа аҟәша агроном хада Витали Ҭыжәба иажәақәа рыла, асеиҧш анаплакы аартра еихьӡара дууп араион азы мацара акәымкәа ареспублика зегьы азы. Азауад иҭнажьуа аалыҵ бжьышә грамм зкуа аҭрақәа ирҭарҵоит. Ахәҧса акәзар, иартәоит ҩынҩажәи хәба мааҭ. Араҟа иҭрыжьуеит х- хкык ахрыҕи ашылеи. Уахыки ҽнаки ирылагӡаны азауад иалшоит х- тоннак аалыҵ аҭыжьра.

 А. Корсаиа, А. Маланиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
44
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
47
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК