Аҧсны ашколқәа ирылгеит 1922 ҩык аушьҭымҭацәа .

29.06.2017
939

Ишаҳҳәахьоу еиҧш сынтәа Аҧсны ашколқәа ирылгеит 1922 ҩык  аушьҭымҭацәа . Урҭ абжьаратә школ ишалгаз ала аршаҳаҭгақәа рнапаҿы рыҭара иазкыз  аусмҩаҧгатә  хацыркын Ахьӡ-аҧша апарк аҟны  ашәҭ шьыҵәрақәа рышьҭаҵарала.

Анаҩсан, Ахәынҭқарратә филармониаҿы аушьҭымҭацәа ирзеиҿкаан ахәылҧаз. Уахь   ааҧхьара рыман  Аҧыза–министр Беслан Барцыц, Аҧсны Ахада иабжьгаҩ Владимир Занҭариа, Ахәҳаахәҭра –ааглыхратә палата аиҳабы Геннади Гагәылиа, аҵарауаа рхаҭарнакцәа уҳәа  аӡәырҩы .

Жәеиза шықәса аҵара зҵоз аушьҭымҭацәа  рышколтә ҧсҭазаара ааныжьны   амҩа ҿыц  ианылеит.  Арҭ ашықәсқәа рыҩныҵҟа ,  актәи ашьаҿа аныҟарҵаз инаркны  ашкол иалгаанӡа,  изнысыз аамҭа иацын еиуеҧшым ахҭысқәа ,  аҵаратә процесс  аҿы ирҧылоз ауадаҩрақәа рырҵаҩцәеи дареи  еицхырааны ириааиуаан .Аолимпиада , аспартакиада  уҳәа еиуеҧшым аусмҩаҧгатәқәа  рҿы аҧхьахәқәа  ргеит Аҧснытәи ашколхәыҷқәа . Аҵареи Аҭҵаарадырреи рминистр  Адгәыр Какоба аушьҭымҭацәа  ирзеиҕьаишьеит ақәҿиара дуқәа изнылаз амҩаҿы .  
  
Аҧсны  ашколқәа  зегьы  рҟынтәи  ибзианы  иалгеит 54 ҩык аушьҭымҭацәа , урҭ  ирыҭоуп   иҷыдоу  аттестатқәа . 9 ҩык алгеит “хьтәы медалла”.Адгәыр Какоба урҭ асценахь иааҧхьаны  иранаишьеит  аҳаҭыртә бҕьыцқәеи  ахьтәы медалқәеи.

Аҧсны Ахәҳаахәҭра-ааглыхратә  палата ахьӡала , уи ахаҭарнак Ҭамила Мерцхәлааҧҳа  ахьтәы медалла иалгаз аҧаратә  ҳамҭақәа   рылҭеит .

Аушьҭымҭацәа иҭабуп ҳәа рарҳәон  аџьабаа рыдызбалаз рырҵаҩцәа . Урҭ ражәа дара  рзы акыр  шаҵанакуаз атәы рҳәеит  аушьҭымҭацәа .

Сынтәатәи  аушьҭымҭацәа  ирыдырныҳәаларц  асценахь   иааҧхьан  ажәабатәи  Ашьхарыуаа    рышкол актәи акласс  аҵаҩцәа  . Урҭ  ажәеинраалақәа ирыҧхьеит . Анаҩсан  ахәылҧаз иацҵнаҵеит   аконцерт .
                
Дениза Гьергьиаҧҳа , Михаил Братухин, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16
Иарбан қәыргыламҭақәоу аҳҭнықалақь атеатрқәа ирыдыргало?
11
Дырмит Гәлиа ихьӡ зху Аҧсуаҭҵааратә институт аҟны имҩаҧысит апоет ирҿиара иазкыз аҭҵаарадырратә конференциа.
13
Араион аҟны иҟоу аиҭакрақәа ауаҩы еиҳа илаҧш иҵашәоит ақалақь агәаны.
16
Аҟәатәи аџьармыкьа хадаҿы аныҳәа аламҭалазтәи аҭагылазаашьа зеиҧшроу еилыркаауан ҳкорреспондентцәа.
Алаҳәарақәеи адныҳәаларақәеи
АГТРК