Афилологиатə факультет,ажурналистика аҟәша астудентцәа Ҷлоу ақыҭа иаҭааит.

29.06.2017
767

Аҧсны жәлар рпоет Баграт Уасил-иҧа Шьынқәба  диижьҭеи шәышықәса аҵра инамаданы, ҩнызқьи жәибжь шықәса “ажәа азҟаза” ишықәсны иҧхьаӡоуп.  Аҧснытәи Аҳәынҭқарратә Университет аҧшьгарала, афилологиатә факультет, ажурналистика аҟәша астудентцәа изхысуа аҵаратә практика аҳәаақәа ирҭагӡаны апоет иқыҭа гәакьа иаҭааит.

Баграт Шьынқәба  иҩны-музеи  аҿы иҟоу амаҭәарқәа зегь ҭоурыхк- ҭоурыхк рымоуп. Урҭ иреиуоуп еиуеиҧшым аамҭақәа рзы апоет иҧсҭазаара аазырҧшуа  афотосахьақәа. Астуденцәа ацәанныра ҷыдақәа рызцәырызгаз   рхыҧхьаӡараҿы иҟоуп имаҷымкәа ацәаҳәақәа ззикхьаз, иҧсы еиҧш иибоз иқыҭа гәакьаҿы иҭыху афотосахьақәа.

Анаҩс «Мышкы Баграт иқыҭаҿы» атемала имҩаҧысит    арҿиаҩ ду дахьиз, дахьааӡаз ашҭа агәаҿы ажурналистика аҟәша астудентцәеи апоет иҭаацәеи, Ҷлоу анаҧхгареи реиҧылара. Астуденцәа  азҿлымҳара ду аарҧшуа ,ирызҵаауан  ажәа азҟаза  иқыҭа  гәакьа дшазыҟаз атәы.  
Аҭыҧантәи ашкол хәыҷқәа еизаз иддырбеит ақәыргыламҭақәа, ирыҧхьеит  апоет ирҿиамҭа аҟынтәи ажәеинраалақәа.

Ҷлоу иаҭааз астуденцәа   рхыҧхьаӡараҿы иҟоуп абаҩхатәра  злоу, зхатә жәеинраалақәа зыҩуагьы. Убас ажурналистика аҟәшаҿы аҵара зҵо Аинар Ҷыҭанаа  дшыхәыҷыз  ажәеинраалақәа рыҩра далагеит. Урҭ руак даҧхьеит Баграт Шьынқәа иашҭаҿы.  

Астуденцәа напхгара рызҭоз  ажурналист, апрофессор Екатерина Бебиаҧҳа лхатә архив аҟынтәи иааго апоет ифотосахьақәа  иҩны-музеи   ҳамҭас иалҭеит.

Анаҩс аиҧылара иалахәыз дәықәлеит Ҷлоу ақыҭаҿы еиҿкаау “ахьӡ-аҧша” амузеи ахь. Уахь инеиаанӡа  ашәҭ шьыҵәрақәа шьҭарҵеит  Аҧсны аџьынџьтәылатәи еибашьра   раан иҭахаз рбаҟа амҵан.
Ахьӡ – аҧша амузеи аҿы астудентцәа  ирзеиҭарҳәеит еиуеиҧшым аамҭақәа рзы Ҷлоу ақыҭа иалҵыз аҧсадгьыл  ахақәиҭразы  зхы иамеигӡоз афырхацәа рҭоурых. Ашколхәыҷқәа ажәахәқәа ирыҧхьеит.Астудентцәа азҿлымҳан иазҵаауан иара убас ҳаамҭазы  Баграт иқыҭа иҧсҭазаашьоу.
Аҵаратә практика аҳәаақәа ирҭагӡаны, жәлар рпоет иқыҭа гәакьа уажәшьҭа  иаҳагьы ибзианы издыруа астуденцәа ирҳәоит , арахь раара гәахәарыла ишрыдыркылаз.

Баграт Шьынқәба ихьӡ наунагӡа ихы аасҭа бзиа иибоз иҧсадгьыл иазынхоит. Ҧсра зқәым ирҿиамҭақәа еимырдалоит аҧхьаҟатәи абиҧарақәа.

Амра Зарандиаҧҳа, Асҭамыр Гәажәба,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Февраль 2018
57
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
41
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
59
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
44
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
110
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
100
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК