Аҧсны атәылахьчара аминистрра аҟны еихыршьаалеит ииун мзазы архәҭақәа рҿаҧхьа иқәгылаз адҵақәа рынагӡашьа.

30.06.2017
936

Аҧсны атәылахьчара аминистрра аҟны еихыршьаалеит сынтәа ииун мзазы архәҭақәа рҿаҧхьа иқәгылаз адҵақәа рынагӡашьа. Ари аамҭа иалагӡаны имҩаҧган аруаа злахәыз акоманда-штабтә ҽазыҟаҵарақәа.

Аҧсны Арбџьармчқәа рҟны аҧхынтәи арратә ҽазыҟаҵарақәа рымҩаҧгара иалагеит ииун акы азы. Уи аамҭа иалагӡаны аруаа рҿаҧхьа иқәгылаз адҵақәа рынагӡашьа атәы азы ажәахәқәа ҟарҵеит Атәылахьчара аминистрра Аштаб Хада аусбарҭақәеи архәҭақәеи рнапхгаҩцәа. Архәҭақәа рҟны есымша имҩаҧыргоз аҽазыҟаҵарақәа ирхылаҧшуан аусбарҭақәа реиҳабацәа. Дара роуп реиҿкаашьа азы алкаақәа ҟазҵаз. Урҭ излаадырҧшыз ала, шамахамзар адҵақәа зегьы нагӡоуп. Аха иҟоуп арратә леишәа ахьыҧсыҽу. Убри аан атәылахьчара амиинстр Мераб Қьышьмариа иазгәеиҭеит, ҿыц аррамаҵзурахь инарыҧхьо афицарцәеи, егьырҭ анапхгаҩцәеи рҟынтә арратә ҧҟаррақәа еилаганы, ишрықәымчуа анышьақәыргылаха, изхароу ҕәҕәала ишахьырхәхо атәы. Иҳәеит, арратә ҵараиурҭақәа ирылганы иаауа рзанааҭқәа рыла аусурҭа шрыҭатәу, зныпҵақәа рынагӡашьа иақәымшәо шәнаскьа ҳәа раҳәаны. Усҟан ауп арратә леишәа  аныҟало, - иҳәеит аминистр.

Ииун мзазы иазгәаҭаз арратә ҽазыҟаҵарақәа зегьы мҩаҧган ианаамҭаз, иҳәеит Арбџьармчқәа рштаб хада аиҳабы Анатоли Хрулиов.

Анатоли Хрулиов убасгьы дазааҭгылеит, Аҧсни Урыстәылеи рыруаа русеицура шымҩаҧысуа атәы.
Аизара аҟны иалацәажәан ишьақәдырҕәҕәеит ииуль мзазы аруаа рҿаҧхьа ишьҭоу адҵақәа.

Д. Инаҧшьба, А. Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12
Аҟәатәи аџьармыкьа хадаҿы аныҳәа аламҭалазтәи аҭагылазаашьа зеиҧшроу еилыркаауан ҳкорреспондентцәа.
16
Ишҧамҩаҧысуеи уи аингалара ? Иҟоума аҭираҿы ауадаҩрақәа ? Иҟоума Аҧсныи Урыстәылеи рҳәааҿы аҳазалхра ?
22
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
Алаҳәарақәеи адныҳәаларақәеи
АГТРК