Аинформациатә маҵзура «Спутник» аҿы имҩаҧысит апресс-конференциа.

30.06.2017
774

Аинформациатә маҵзура «Спутник» аҿы имҩаҧысит  Аргылареи архитектуреи рыспециалистцәеи, Аҧсны архитекторцәа реидгыла ахантәаҩи, аҳҭнықалақь архитектор хадеи злахәыз апресс-конференциа. Уаҟа ирылацәажәан ҳаамҭазы зегь реиҳа хадара злоу Аҧсны архитектура иадҳәалоу азҵаарақәа.

Апресс-конференциахь ааҧхьара змаз  аспециалистцәа инарҭбааны иазааҭгылеит иахьатәи аамҭазы  Аҧсны архитектуратә хаҿра зеиҧшроу атәы, иалацәажәан  иара убас ҳтәылаҿы аҭыҧ змоу  зинда аргыларақәа  архитектура иарҭо анырра атәы.

Аҧсны ихьчатәу акультуратә ҭынхақәа рхыҧхьаӡара маҷым. Убарҭ реиқәырхареи, реиҭашьақәыргылареи роуп хықәкыс иҳамоу, ҳәа азгәарҭеит уи знапы алаку. Аха  иҟоуп     ақалақьқәеи, араионқәеи рхаҿра бжьызхуа изакәанымкәа  имҩаҧырго аргыларақәа, ҳәа азгәарҭеит дара. Аргылареи архитектуреи рзы ҳтәыла аҳәынҭқарратә усбарҭа аспециалист хада Лида Данелиа илҳәеит, изаамҭанытәиу агәаҭарақәа анымҩаҧырго  ишырҧыло  имаҷымкәа  аилагарақәа. Урҭ  азин  рызҭо ақьаадқәа рымамкәа аргылара  ишалаго. Убри инамаданы, дара русқәа апрокуратурахь ишырышьҭуа атәы.

Аргылареи архитектуреи рзы Аҧсны аҳәынҭқарратә усбарҭа аиҳабы Есфир Маитоп иазгәалҭеит, азакуан инақәыршәан аргылара хацыркхаанӡа  уи иахәҭоу ашәҟәқәа  реиқәыршәара шхымҧадатәу
Иара убас  лара иазгәалҭеит,  апроблемақәа ишыруаку ақалақьргыларатә кодекс аҟамзаара..

«Иахьаҭыҧым иргылоу ахыбрақәа аҳҭнықалақь ахаҿра еиларгоит, убри аҟынтә урҭ рыргылара ианалаго иаразнак иаанкылалатәуп,»- ҳәа азгәаҭо Аҧсны архитекторцәа реидгыла ахантәаҩы Ҭемыр Занҭариа иҳәеит, Аҟәа ақалақь ахада рҿаҧхьа дҵаны ишықәиргылаз  аргыларатә шәҟәқәа рыҭара азҵаара дырҕәҕәарц.
Апресс-конференциаҿы иазааҭгылан иара убас аҳҭнықалақь аҩныҵҟа есымчыбжьа аргыларақәа ирхылаҧшуа  ҧшь-гәыҧк шаҧҵоу атәы.

Амра Зарандиаҧҳа,Беслан Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
37
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
13
Аусмҩаҧгатә рхы аладырхәит ашәҟәыҩҩцәа, ауаажәларратә усзуҩцәа, астудентцәа, ашколхəыҷқəа.
13
Ааигәа ақаҭран ақәҵара хыркәшан Алашарбага аҳаблеи Алада Ешыреи еимаздо амҩеи, Имам Шамиль имҩеи.
13
Акциа зҽалазырхәуа зегьы аизара иалагоит Самсон Ҷанба ихьӡ зху Аҧсуа драматә театр  аҿаҧхьа.
13
Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК