Аҭоурыхтə факультет 80 шықəса.

30.06.2017
412

Аҧснытәи аҳәынҭқарратә университетаҿы мышкы ҩ-ныҳәак еиқәшәеит. Сынтәа ауниверситет афакультетқәа ирылгеит 700-ҩык аушьҭымҭацәа. Аҵараҿы зҽалызкааз астудентцәа рнапаҿы ирыҭан рҵара шыхдыркәшаз атәы аазырҧшуаз адипломқәа. Анаҩс ахәылҧаз азкын  хаҭала аҭоурыхтә факультет 80 шықәса ахыҵра.

Иахьазы аҭоурыхтә факультет иамоуп  акафедрақәа хҧа. Аҧсны аҭоурыхи, археологиеи, аетнологиеи ркафедра, Урыстәылеи аҳәаанырцәтәи атәылақәеи рҭоурых акафедра, жәларбжьаратәи аизыҟазаашьақәа рҭоурыхи ртеориеи ркафедра. Аҭоурыхтә факультет аҟны аус руеит, алекциақәа ирыҧхьоит еицырдыруа аҵарауаа, здырра ҳараку арҵаҩцәа. Ҩнызқьи хышықәса раахыс афакультет напхгаҩыс дамоуп аҭоурыхтә ҭҵаарадыррақәа ркандидат, адоцент Алик Габелиа. Иара иаҳзеиҭеиҳәеит, афакультет ахырхарҭа шышьақәгылоу.

Афакультет аиҿкаара раҧхьатәи ашықәс инаркны ианылоит иуадаҩыз аҭоурыхтә мҩа. Аха зегь акоуп уи иалнаршоит иаҵамхакәа ҧхьаҟа ацара. Аҭоурыхтә факультет аартра ахыҵхырҭаҿы игылоуп иналукааша аҳәынҭқарратәи, ауаажәларатәи усзуҩцәа. Иҳәатәуп, ари афакультет дшалгахьаз Аҧсны раҧхьатәи ахада Владислав Арӡынба. Иара убасгьы араҟа амаҭәаргьы шриҭоз. Иахьазы аҭоурыхтә факульет аҿы аус руеит  ҩынеижәи жәохә-ҩык инарзынаҧшуа  арҵаҩцәа. Ҳаамҭазы аҭоурыхтә факультет аҟны профиль ҭбаала иазыҟарҵоит ззаанаҭтә ҩаӡара ҳараку аспециалистцәа. Афакультет есышықәса иоунашьҭуеит ҳтәылаҿы еиуеиҧшым аусбарҭақәа рҟны аус зуа астудентцәа. Убас,  сынтәа  аҭоурыхтә факультет иалгеит ҧшьынеижәи х-ҩык аушьҭымҭацәа.  Урҭ рнапаҿы ирыҭан ишалгаз атәы зҳәо аршаҳаҭгақәа.

Аҭоурыхтә факультет аҵарашықәс иалагӡаны имҩаҧнагоит еиуеиҧшым  аконференциақәа, астол гежьқәа, асимпозиумқәа. Астудентцәа ракәзар, Аҧсны аҩныҵҟа инаҷыданы рхы рыладырхәуеит  аҳәаанырцә имҩаҧысуа еиуеиҧшым аконференциақәа. Астудентцәа уи азы аҭагылазаашьа бзиа рымоуп.  Леон Лашәриа сынтәа  жәларбжьаратәи аизыҟазаашьақәа рзаанаҭ ала иҵара шықәс хиркәшеит. Аҭоурыхтә факультет иаушьҭымҭоу Леон иаҧхьаҟа иҵара иациҵарц игәы иҭоуп Урыстәыла.

80- шықәса зхыҵыз аҭоурыхтә факультет аусзуҩцәеи астудентцәеи рзы ирзеиҿкааз ахәылҧаз аҿы дықәгылеит Аҧснытәи аҳәынҭқарратә университет аректор, академик, апрофессор, Алеко Гәарамиа. Иқәгылараҿы, аушьҭымҭацәа ирзеиҕьаишьеит рнапы зларкуа аусқәа рҿы аихьӡарақәа дуқәа. Иара убасгьы хаҭала аҭоурыхтә факультет аусзуҩцәа ҧшьынеижәа шықәса рфакультет ахыҵра рыдыиныҳәалеит.
Ауниверситет афакультетқәа қәҿиарала ирылгаз аушьҭымҭацәа  доусы рнапхгаҩцәа рнапаҿы ирырҭон адипломқәа. Аҧхарра зҵаз ахәылҧаз хыркәшахеит аҭоурыхтә факультет агимн арҳәарала.

Наала Чхьынџьериаҧҳа, Леон Адлеиба, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
103
22 Ноиабр 2017
11
22 Ноиабр 2017
13
Ҿҳәарас иамазаауеит жәа-шықәса .
22 Ноиабр 2017
14
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
150
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК