Ҩнызқьи жәаф шықәса инаркны иазгәарҭо иалагеит Аҟәа ақалақь амшныҳәа.

30.06.2017
452

Ҩнызқьи жәаф шықәса инаркны иазгәарҭо иалагеит Аҟәа ақалақь амшныҳәа. Есышықәса иара ақәшәалоит ҧхынгәымза раҧхьатәи асабша. Аҟәа амшныҳәа иазкны ақалақь аҩныҵҟа еиҿкаахоит еиуеиҧшым аусмҩаҧгатәқәа. Ҳтәыла ауааҧсыреи асасцәеи ирзыҧшуп илахҿыху апрограмма.

Аҟәа ақалақь ахадара акультура аусбарҭеи  аҿари аспорти  рызҵаатәқәа рзы аилаки ақалақь амш азгәаҭара иадҳәаланы еиуеиҧшым аҭыҧқәа рҟны имҩаҧыргоит агәалаҟазаара бзиа узҭаша аныҳәа. Аусмҩаҧгатә хацыркхоит амҳаџьыраа рыҧшаҳәаҿы асааҭ жәаа рзы. Багаҧшь ихьӡ зху ашҭаҿы  аҿари аспорти  рызҵаарақәа рзы аилак, ҳтәыла ауааҧсыреи асасцәеи ирзеиҿыркаауеит «Конифа-2016» зыхьӡхо ацәыргақәҵа. Анаҩс ақьафурҭа «Белый Парус» инаркны акаҳуажәырҭа «Брехаловка» аҟынӡа имҩаҧыслоит ашашкеи, ашахматқәеи, астолтә ҧкьаҭымпыли рзы иаарту атурнир. Урҭ рхы алархәразы алшара роуеит  агәаҳәара змоу зегьы.

Анаҩс апрограмма иацҵахоит аҧсуа драматә театр ашҭаҿы. Ростовтәи Аҟәатәи акомандақәа аиқәҧараҿы еицлабуеит. Уи ашьҭахь  Баграт Шьынқәба ихьӡ зху   апарк аҿы имҩаҧгахоит асахьаҭыхцәа қәыҧшцәа рцәыргақәҵа. Уи иаҭаауа ироуеит алшара иргәаҧхаз аусумҭа аархәарц. Иара убасгьы уаҟа Аҟәатәи алицеи интернат аҵаҩцәа рнапкымҭақәа цәыргахоит. Масстер-классгьы аганахь иаанхом, акерамикатә аалыҵқәа ирылхны анапкымҭақәа рыҟаҵара алыршахоит. Ажәакала ахәыҷы инаиркны аду иҟынӡа доусы иара игәы иақәшәаша иҧшаарц илшоит.

Аихамҩатә станциа «Гәыма» аҟны Аҟәа ақалақь ахадара еиҿнакаауа апрограмма раҧхьаӡа акәны иалоуп Урыстәылантәи иаагоу алазертә шоу. Асааҭ жәаба инаркны аныҳәа ахьымҩаҧысуа аҭыҧ аҿы иргылахоит ацхыраара ласы амашьынеи аҭагылазаашьа ҷыдақәа рзы аминистрра ахаҭарнакцәеи.   Машьынала имҩасуа рзыҳәан ашьыжь инаркны аусмаҧгатә цонаҵы аихамҩатә станциа «Гәыма» ашҟа уназго амҩақәа аркхоит.  

Наала Чхьынџьериаҧҳа, Асҭамыр Гәажәба, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
105
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
185
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
126
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
119
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
125
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
145
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК