Агəыҧ "Горец".

04.07.2017
590

Ахбиук  иҭахаз     ргәаларшәара   аҳаҭыр  азы  урҭ ирыцеибашьуази, иҭахаз  аибашьцәа гәымшәақәа рҭынхацәеи ашәҭ шьыҵәрақәа шьҭарҵеит   Ахьӡ- аҧша  апарк  аҿы.

Ҩажәи ҧшьба шықәса раҧхьа ииуль мза ҧшьба рзтәи ажәылараан агәыҧ «Горец» имҩаҧнагон аҭакҧхықәра ду зцыз адҵа. Дара ирыдын  Ахбиук ашьха аҕацәа рҟынтәи аҭарцәра. Зныктәи ажәылара ала уи аҭыҧ анапаҿы аагара ус имариаӡамызт. Ашьха ахақәиҭтәра ашьҭахь ауп ианаларышахоз Аҧсны аҳҭнықалақь АҞәа аҕа инапаҵаҟа аҟынтәи аҭарцәра. Ахбиук ашьхаҿы аҕа иаанкыларазы  еибашьуаз афырхацәа  рыцхрааразы ишьҭын абаталион «Горец». Гәдоуҭантәи ишьҭыҧрааз аверталиот тәоит ашьха ашьапаҿы, аҧсуа десант аманы. Уи атәара иахьымӡакәа, аҕацәа ахымца иадыргоит . Уаантәи аҭыҵра зегьы ахьымӡеит. Иҭахаз рацәахеит. Урҭ дреиуоуп зыҧсадгьыл зхы ақәызҵаз Хьизан Ҷакориа. Иара уи аамҭазы ҩажәи жәба шықәса ракәын ихыҵуаз. Иара иҧа Беслан Ҷакориа иҳаиҳәеит, иаб агәыҧ «Горец» данаднакылоз аамҭазы ҩышықәса шихыҵуаз. Убри аҟнытә Леон иордени, “Агәымшәаразы” амедали занашьоу иаб иҭаацәа изеиҭраҳәоз ахҭысқәа рыла ауп ишидыруа иаб иеибашьратә ҭоурых.

Феруза Қапҧҳа длыцәҭахеит лыҷкәын, Алмас Қапба. Иара агәыҧ «Горец» даналалоз жәибжь шықәса ракәын ихыҵуаз. Уахь дышцаз атәы иҭаацәа ирыздыруамызт. Анаҩс ианеилыркаа лыҷкәын иажәақәа лгәалаларшәо илҳәоит, Нхыҵ Кавказынтә, Ҭырқәтәылантә иааны еибашьуазар, сара бсеигӡома, акы бацәымшәан- абарҭ ажәақәа иахьа уажәраанӡагьы ан лгәы иҭаҵәахны илымоуп. Ашәақь цқьа акышьа макьаназы иззымдыруаз, зыҧсҭазаараҿы аҵыс иамеихсыц, лыҷкәын раҧхьаӡа акәны аибашьра далагылоит. Аверталиот иҭаблыз Алмас, акыр аамҭа ибыҩ рзыҧшаауамызт. Хабарда дыбжьаӡны дыҟан ҳәа акәын, аҷкәын иҭаацәа ишырдыруаз. Аха аибашьра анеилга ҩажәи жәба шықәса рышьҭахь иҧсыбыҩ рыҧшаауеит. “Агәымшәаразы” амедал занашьоу ан лҧа заҵә дылгәаларшәо , лылаҕырӡ лзынкыломызт.

Ахбиук ашьхаҿы аҕа иҿагыларазы ихалаз ҩынеижәи ф- ҩык ыҟан. Урҭ рахьтә ҩажәи жә-ҩык арҧарцәа ҭахеит  . Хабарда ибжьаӡызгьы ыҟоуп. Ахбиуктәи аиҿахысра ашьҭахь иаанхаз жәибжь-ҩык роуп.  Есышықәса иҭахаз афырхацәа рҭаацәеи аибашьцәеи Ахьӡ аҧша апарк аҟны еиқәшәалоит, аибашьра ахҭысқәа ирылацәажәоит, ахьаа зцу амш  ргәаладыршәоит.

Наала Чхьынџьериаҧҳа, Михаил Братухин, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
133
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
121
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
142
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
109
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
73
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК