Тамшь ақыҭан абга.

04.07.2017
980

Иахьа, ашьыжь, Очамчыра араион Тамшь ақыҭа Ануаа рхәы ҳәа изышьҭоу аҳаблаҿы инхо ауаҧсыра хҩык абга рыцҳаит. Ари ахҭыс иақәшәаз изларҳәо ала, абга иаапку агыгшәыг аҟазшьақәа аман. Шьыжьнаҵы анхацәа зегьы русқәа ирҿын. Аӡәгьы игәы иаанагомызт абга рыҩны иааины машәыр рызнауп ҳәа. Раҧхьа абга лыцҳаит анхаҩ ҧҳәыс Индира Аҩӡба. Анаҩс ашҭаҿы аӡы шаалгоз аанда иахыҧны Џьамила Ануаҧҳа дахәт. Ари аҿы иаанымгылакәа зыла ашьа хыланы иҟаз агыгшәыг ақыҭа иалалеит. Амҿы аагараҳәа иҟаз анхаҩы Сергеи Ануа игәыиҽанӡамкәа иҩны азаигәара изыҭрысны ицҳаит. 

Ахәрақәа зауз ауааҧсыра иаразанк ахәышәтәырҭақәа рахь инаган. Рыхәрақәа ахьшәарҭаз азы рыхҩыкгьы аҧҟара рықәшәеит. Амашәыр шыҟалаз иаразанк адырра ҟаҵан араион анапхгарахь. Агыгшәыг аҭархаразы аамҭа кьаҿк иалагӡаны арахь иаашьҭын бџьарла еибыҭаз асолдаҭцәа. Иара убасгьы ақыҭаҿы инхо ашәарыцаҩцәа рҽеибыҭаны абна еимырдоит. Макьаназы аҵыхәтәанынӡа еилкааӡам абга ақыҭаҿы иҟанаҵаз аҧхасҭа. Ас зхы мҩаҧызго агыгшәыг иалшоит арахәгьы аҧырхага рнаҭар.

 Алиас Корсаиа, А. Маланиа,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
9
Илахҿыху ақәыргыламҭақәа, акәашареи ашәаҳәареи, иара убас ҭагалан аныҳәа иазкны аҧсуа чысқәа - узыршанхаша рацәан.
9
Атуристтә форум раҧхьаӡа акәны иалахәуп Шьамтәылантәи аделегациа.
17
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
27
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
23
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
Алаҳәарақәеи адныҳәаларақәеи
АГТРК