Аҟәа ақалақьтә прокуратураҿы имҩаҧысит азинхьчаратә усбарҭақәа рнапхгаҩцәа злахәыз акоординациатә хеилак аилатәара.

04.07.2017
316

Аҟәа ақалақьтә прокуратураҿы имҩаҧысит азинхьчаратә усбарҭақәа рнапхгаҩцәа злахәыз акоординациатә хеилак аилатәара. Уаҟа ирылацәажәан, иҳаҩсыз ашықәс иалагӡаны аҵырҭыша агареи , ашьауҕатә усқәа рхацыркреи, ацәгьоурақәа раанкылареи , рзы имҩаҧгаз аусурақәа ртәы. 

Азинхьчаратә усбарҭақәа русура аиҿкаареи, араионқәеи ақалақьқәеи рҿы аусқәа рымҩаҧысшьеи, аҵарҭыша зго ачынуаа ралкаареи, анаҩс ашьауҕатә усқәа рхацыркреи, рзы ҩнызқьи жәаф шықәсазы иаҧҵан акоординациатә хеилак. Акоррупциа иаҿагылан ақәҧаразы азакуан хықәкыс иамоуп ауаажәларра рыхьчареи амилаҭтә шәарҭадара аҧҵареи. Шықәсык иалагӡаны ахеилак имҩаҧнагаз аусқәа маҷым, ихацыркын акымкəа ашьауҕатә усқәа. Акоррупциа иаҿагыланы ақәҧаразы аусурақәа мҩаҧнагоит Апрокуратура Хада . Иҟаҵаз анализ иднарбеит акоррупциатә хырхарҭа змоу ашьауҕатә усқәа маҷымкəа аҭҵааразы апрокуратура хадаҿы ишышьҭоу. Ажәахәҟаҵаҩы хәҭа-хәҭала дазааҭгыланы илҳәеит, агәаҭарақәа ахьымҩаҧыргаз аҭыҧқәа рҿы иалыркаауаз аилагарақәа рзы, ашьауҕатә усқәа шхацдыркыз. «Ас еиҧш иҟоу аусеицура алҵшәа бзиа аанашьҭроуп,»- ҳәа азгәараҭеит аиҧылара иалахәыз. Иара убасгьы Аҧсны апрокурор хада актәи ихаҭыҧуаҩ Георги Аршба дазҿлымҳан араионқәа рҿы аҭагылазаашьа зеиҧшроу, акоординциатә хеилаки дареи аусеицура рыбжьоу - ирыбжьаму. 

Зараина Соблирова илҳәеит, араионқәа рҿы аусура шырҕәҕәатәу. Анаҩс ажәахә ҟаиҵит аекономикатә цәгьоурақәа ирҿагылан ақәҧаразы аҩныҵҟатәи аусқәа русбараҭа аиҳабы Даур Ҵәыџьба. Иара иҳәеит, акымкəа аилагарақәеи, ацәгьоурақәеи шаарҧшыз. Ҳара ҳхықәкы азакуантә шьаҭа аҭаны аусқәа рышьақәыргылара ауп, - иҳәеит иара . Акоординациатә хеилак аилатәара иалахәыз иара убас иазҿлымҳан иаарҧшу ацәгьоурақәа рыҭҵаараан ицәырҵуа ауадаҩрақәа ртәгьы. Аиҧылараҿы иҳәан, азинхьчаратә усбараҭақәа рхаҭаранкцәа аиҳарак иаадырҧшуа ацәгьоурақәа ишыруаку рмаҵзуратә уалҧшьақәа рынагӡара ирнаҭо алшара инамцхәны зхы иазырхәо ачынуаа, убри аан иҳәан аҵырҭышагарагьы аҭыҧ шамоу . Аиҧылара ахыркәшамҭазы еизаз ирзаҧхьан акоординцтиатә хеидкыла иаднакылаз ақәҵара .  

Фатима Гьергьиа, Беслан Џьынџьал АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
71
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
115
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
112
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
103
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
102
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
113
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК