Имҩаҧысит Аҧсны Жәлар Реизара асессиа аилатәара.

05.07.2017
662

Имҩаҧысит Аҧсны Жәлар реизара асессиа аилатәара. Адепутатцәа зхәаҧшуаз азҵаарақәа рхыҧхьаӡараҿы иҟан Аконституциатә усӡбарҭа аӡбаҩи, аусӡбарҭақәа рыӡбаҩцәеи ркандидатурақәа рыхәаҧшра. Убасгьы, апарламент аҟны ианалацәажәа ашьҭахь, арепатриациазы аҳәынҭқарратә еилакы афонд абиуџьет анагӡашьазы ақәҵара рыдыркылеит. 

Аҧсны Жәлара Реизара асессиаҿы излацәажәоз азҵаарақәа ируакын арепатриациазы аҳәынҭқарратә еилакы ҩнызқьи жәохә - жәаф шықәсқәа рзы абиуџьет анагӡашьа азы Ақәҵара адкылара. Афонд адиректор Џьон Смыр адепутатцәа ирзеиҭеиҳәеит урҭ ашықәсқәа ирылагӡаны имҩаҧгаз аусурақәа ртәы. Адепутат Натали Смыр илҳәеит, ари Ақәҵара уажәаҧхьагьы ирыдыркылар шакəыз. Ахеилак аҩныҵҟа изныкымкәа аиҧыларақәа мҩаҧыргахьан афонд ахаҭарнакцәа алархәны. Адепутатцәа бжьыҭарала арепатриациазы аҳәынқарратә еилакы абиуџьет анагӡашьа азы ақәҵара рыдыркылеит .

Адепутатцәа рыбжьара ацәажәарақәа зхылҿиааз ируакхеит Жәлар Реизара аилатәара аҟынтәи аинтернети, Аҧсуа телехәаҧшралеи ишиашо ицо аефирақәа реиҿкаара азҵаара. «Ҳара ҳалхыҩцәа идҳарабароуп заҟа ҳаарту, даргьы азҿлымҳауп ҳусура шымҩаҧысуа,- иҳәеит адепутат Баҭал Аиба. Иара игәаанагарала, ас еиҧш иҟоу аҧышәа акыр аҳәнҭқаррақәа рҟны рхы иадырхәоит. Адепутатцәа ргәаанагарақәа еиҧшымызт. Џьоукы ақәҵара адкылатәуп ҳәа азырыҧхьаӡеит, даҽа џьоукы уи аус адуланы иазҟазоу ауаа адыҧхьаланы аилатәара мҩаҧгатәуп ҳәа азырыҧхьаӡеит. Адепутатцәа рыбжьыҭарала еилкаахеит ари Ақәҵара адгылара шамоуз. 

Анаҩс ииасын акадртә зҵаарақәа рахь. Иреиҳаӡоу аусӡбараҭа аӡбаҩыс лкандидатура нашьҭын Олесиа Ҭарҧҳа. Арбитражтә усӡбараҭа аӡбаҩыс Омиани Логәуа , Аҟәа ақалақатә аусӡбарҭа аӡбаҩыс Мараҭ Аҩӡба, Иара убасгьы аконституциатә усӡбарҭа аӡбаҩыс Сафарбеи Мқанба. Ари акндидатура аоппозициа ахаҭаранакцәа атәыла Ахада ишҟа инарышьҭит. Иара уи дақәшаҳаҭханы апарламеннт ашҟа идәықәиҵеит.

Адепутатцәа урҭ рнысмҩа ианазыӡрҩы ашьҭахь, маӡалатәи абжьыҭарахь ииасит. Урҭ рлыҵшәақәа рыла , Олесиа Ҭарба, Омиани Логәуа, Мараҭ Аҩӡба аӡбаҩцәас иалхуп, Сафарбеи Мқанба дшьақәырҕәҕәоуп аконституциатә усӡбараҭа аӡбаҩыс. 

 Фатима Гьергьиа, Беслан Џьынџьал ,АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
137
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
125
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
146
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
77
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК