Иблуп анаркотикатə маҭəашьарқəа.

05.07.2017
859

Аҧсны аҩныҵҟатәи аусқәа рминистрра аҟны апрокуратуреи, ауаажәлар рхаҭарнакцәеи алархәны ирыблит уаанӡа ацәгьоуцәа ирымырххьаз анаркотикатә маҭәашьарқәа. 

Аҩныҵҟатәи аусқәа рминистрра аусзуҩцәа имҩаҧырго агәаҭарақәа раан ирыҧшаауеит анаркотикатә маҭәашьарқәа злырхуа аҵиаақәа ахьеиҭаҳау аҭыҧқәа. Иара убасгьы анаркотикатә маҭәашьарқәа ауаа ирылазырҵәо аанкыланы, идырбаандаҩуеит. Дара ирымырхуа зегьы рҵәахуеит аминистрраҿы . Анаҩс ацәгьоура ҟарҵеит ҳәа ахара здыҧхьаӡалоу рус анырӡбалак, анаҩс ауп ирыдырбалаз анаркотикатә маҭәашьарқәа рбылра азин аныҟоу . Уи амҩаҧгашьа ахылаҧшразы иаҧҵоуп акомиссиа ҷыда, Апрокуратура хадеи ауаажәларратә еиҿкаарақәеи рхаҭарнакцәа злахәу.

Анаркотикатә маҭәашьарқәа рбылра иалагаанӡа акомиссиа алахәылацәа игәарҭоит ашәҟәы иарбоу зегьы ыҟоу иҟаму. Уи азы акҭ шьақәдыргылоит. Нас ауп зегьы ирбо ираҳауа абылтәы рықәҭәаны амца анрыцрарҵо. Уажәы ирбылуаз анаркотикатә маҭәашьарқәа рхыҧхьаӡараҿы иҟан аметадон, агероин, амак, канабис ҳәа изышьҭоу уҳәа, анаркотикатә маҭәашьарқәа рыхкқәа.

Дара аҩныҵҟатәи аусқәа рминистрраҿы иҵәахын ҩнызқьи жәохә шықәса раахыс. Иааидкыланы уахәаҧшуазар, ихьанҭоу анаркотикатә маҭәашьарқәа ҳәа иҧхьаӡоу метадон, героин, уҳәа ирблыз рыхәҧса ҧарала иушьозар, жәохә миллион мааҭ иреиҳауп. Ари ахыҧхьаӡара азхоит фнызқьҩык анаркотикатә маҭәашьар злоу агәыр рзыҟаҵара.

 Д.Инаҧшьба, Алықьса Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
135
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
123
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
144
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
75
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК