Акциа "Афырхацəа рымҩахəасҭала".

05.07.2017
635

«Афырхацәа  рымҩахәасҭала» апроект аҳәаақәа ирҭагӡаны , ииуль  хәба- фба рзы иазгәаҭоуп  аибашьра ахьцоз аҭыҧқәа рҭаара.  Ари аус  еиҿнакааит  Аҧсны  аҿартә политиказы аҳәынҭқарратә еилакы.

Уи хықәкыс иамоуп  аҭоурых амырӡреи, аҿар аҧсадгьыл ахь абзиабара рылааӡареи.

Акциа «Афырхацәа рымҩахәасҭала» сынтәа фынтәуп имҩаҧысуеижьҭеи. Раҧхьаӡа акәны  уи   еиҿыркааит  Аҧсны аҿартә хеилак «Аҧсны ҿа» ахаҭарнакцәа. Анаҩс  аҿартә  политиказы аҳәынҭқарратә еилакы анапахьы ииасит. Ари аилак   ахантәаҩы Алиас Аҩӡба иазгәеиҭеит, даараӡа актуалра змоу ак  акәны  акциа дшахәаҧшуа. Егьырҭ ашықәсқәа инарҿыҧшны ҳахәаҧшуазар, сынтәа уи иазҿлымҳахаз аҿар рхыҧхьаӡара шәи ҩынеижәи жәа-ҩык иреиҳауп,  иҳәеит  иара.

Есышықәса акциа зхы алазырхәуа  аибашьра аветеранцәа рхыҧхьаӡара иацлоит. Уажәы  афырхацәа рымҩахәасҭа   аҿар ирыцанысуеит Гәудоуҭатәи,  Афон-  Ешыратәи абаталионқәа   реибашьцәа. Акциа алахәылацәа  ирзеиҭарҳәоит  аибашьра  иацыз ахҭысқәа. Дара ҳанрыҿцәажәоз ирҳәоз акакәын, аҭыҧ  аҟынӡа ҳнеины иҟоу иану ҳбандаз ҳәа.

Анри Воуба раҧхьаӡа акәны ас еиҧш иҟоу акциа ихы алаирхәырц иӡбеит. Дахьхуп ҳәа дыҟам. Аиҿкааҩцәа излаиарҳәаз ала, иҩызцәеи иареи ирзыҧшу рацәоуп. Уажәтәи аныҟәарақәа игәаҧхар, хымҧада ҳаҧхьаҟагьы  азҿлымҳара аиҭоит.

Акциа алахәылацәа раҧхьа Ешыра иааҭгылоит,  анаҩс уантәи шьапыла мацара зны мҩахәасҭала,  даҽазны бнала, аибашьцәа рымҩала ианысуеит. Ус мацарала ақыҭа Каманынӡа инаӡарц ргәы иҭоуп.  Ари аҭыҧ  аҿы  еиҿкаахоит аанҿасырҭа. Уи аусмҩаҧгатә аибашьцәа аветеранцәа рнаҩс иалахәхараны иҟоуп  аҳәынҭқарра ахадара  рхаҭарнакцәеи,   асасцәеи. Дара  идырбахоит аибашьратә видео архивқәа, инагӡахоит аибашьра иагәылиааз ашәақәа. Акциа «Аибашьцәа рымҩахәасҭала» хыркәшахоит уаҵәы Иашҭхəа ақыҭан аибашьраан иҭахаз афырхацәа рбаҟа аҿаҧхьа.

Наала Чхьынџьериаҧҳа, Михаил Братухин, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
67
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
33
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
100
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК