Ихыркәшоуп Аҟәа ақалақь аҿы имҩаҧысуаз Аҧсны аҩбатәи Ахада Сергеи Багаҧшь игәаларшәары абыжьбатәи жәларбжьаратәи амҵәышәымпылтә турнир.

06.07.2017
865

Ихыркәшоуп фымш рыҩныҵҟа Аҟәа ақалақь аҿы имҩаҧысуаз Аҧсны аҩбатәи Ахада Сергеи Багаҧшь игәаларшәаразы      абыжьбатәи жәларбжьаратәи  амҵәышәымпылтә турнир.   Уи   еиҿнакааит  Абҩарҵәыреи аспорти рзы аҳәынҭқарратә еилакы.  

Абар еилкаахеит  арҭ амшқәа рзы имҩаҧысуаз  атурнир алҵшәақәа. Аиааира агеит Черкессктәи    амҵәышәмпылтә команда. Аҩбатәи  аҭыҧ  ааннакылеит Аҧснытәи акоманда,  ахҧатәи - Ҟубантәи  амҵәышәмпылтә  команда.

Аҩбатәи аҭыҧ аанызкылаз  амҵәышәмпылаз ҳкоманда ахаҭарнакцәа ирҳәоит,  ахәмаррақәа ауадаҩрақәа шрыцыз,   иааныркылаз аҭыҧ цәгьам ҳәа ишахәаҧшуа.


Амҵәышәымпыл азы арҧарцәа рыбжьара имҩаҧысуаз жәларбжьаратәи  атурнир иааидкылан рхы аладырхәт   аҳәаанырцәтәи  акомандақәа хәба.  Абҩарҵәыреи аспорти рзы аҳәынҭқарратә еилакы  аспорттә  ҟәша аиҳабы    Жанна Занҭариаҧҳа  илҳәеит,  атурнир есышықәса амҽхак шарҭбаауа,   ишыҟоу раҧхьаӡакәны зҽалазырхәыз акомандақәагьы.

Ари  атурнир  есышықәса ахаҵгылара азҭо, амобилтә еимадара «А-мобаил» ахаҭарнакцәа ас еиҧш иҟоу аицлабрақәа   Аҧсны амҵәышәмпыл  аҩаӡара шьҭнахуеит, -  ҳәа азырыҧхьаӡоит.

Аицлабра иалахәыз иазгәарҭеит,  атурнир аҩаӡара ҳаракны ишымҩаҧысыз атәы. Убри  аамҭаз  ирҳәоит,   аицлабра  аҵыхәтәантәи амш  алҵшәақәа ишырзыҧшыз.

Абыжьбатәи жәларбжьаратәи атурнир хыркәшоуп .  Уажәнатә уи  аиҿкааҩцәа  азхәыцуеит   анаҩстәи  атурнир   иалахәхараны иҟоу   акомандақәа  рхыҧхьаӡара  аизырҳара.  

Амра Зарандиаҧҳа,Леон Адлеиба, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
14
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
20
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
7
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
10
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
17
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
7
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК