Аахыҵ- Уаҧстәыла Ахада Анатоли Бибилов официалтә визитла Аҧсны даҭааит.

07.07.2017
836

Аахыҵ- Уаҧстәыла Ахада Анатоли Бибилов официалтә визитла Аҧсны даҭааит. Урыстәылеи Аҧсныи рҳәынҭқарратә ҳәаа аҟны асас иҧылеит атәыла анапхгара рхаҭарнакцәа.

Аахыҵ- Уаҧстәыла Ахада Анатоли Бибилов иҧылеит Аҧсны Ахада ихаҭыҧуаҩ Витали Габниа, адәныҟатәи аусқәа рминистр Даур Ақаҩба, Аахыҵ- Уаҧстәыла адәныҟатәи аусқәа рминистр Дмитрии Медоев. Бзиаа шәаабеит, ҳәа асас данрыдыркыла анаҩс, Анатоли Бибилов ачеиџьыка агьама ибеит. Аҟәа даиаанӡа Анатоли Бибилов ашәҭқәа шьҭеиҵеит Аҧсны Жәлар Рџьынџьтәылатә еибашьра анцоз иҳацхраауаз, аидысларақәа раан иҭахаз Аахыҵ- Уаҧстәылатәи аибашьцәа гәымшәақәа Гагра араион аҿы игылоу рбаҟа амҵан.

Аахыҵ- Уаҧстәыла Ахада Анатоли Бибилов, аделегациа иалоу, иара убасгьы Аҧсны анапхгара рхаҭарнакцәа ашәҭқәа шьҭарҵеит Аҧсны жәлар рџьынџьтәылатә еибашьра аан фырхаҵарала иҭахаааз аҧсадгьыл ахьчаҩцәа Аҟәатәи рбаҟа амҵан. Анатоли Бибилов напхгара ззиуа Аахыҵ- Уаҧстәылатәи аделегациа , Аҧсны анапхгара аҭааны ашәҭқәа шьҭарҵеит Аҧсны Раҧхьатәи Ахада Владислав Арӡынба анышә дахььамдоу Аҟәа араион, Ешыратәи иҳаҭгәын аҟны. Анаҩс ауп ҩ- ҳәынҭқаррак рнапхгаҩцәа рофициалтә еиҧыларақәа ианрылага.

 Д.Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
36
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
44
Иара Аҧсны амилаҭтә олимпиатә еилакы аҿы  адныҳәаларақәа идикылон
39
Убри инамаданы имҩаҧган афонд ахаҭарнакцәа злахәыз апресс-конференциа.
55
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК