Имҩаҧысит Аҧсны Ахада Рауль Ҳаџьымбеи Аахыҵ- Уаҧстәыла Ахада Анатоли Бибилови хаҭалатәи реицәажәара.

07.07.2017
556

Имҩаҧысит   Аҧсны  Ахада Рауль Ҳаџьымбеи, Аахыҵ- Уаҧстәыла  Ахада Анатоли Бибилови хаҭалатәи   реицәажәара.  Анаҩс  уи иацҵан    аделегациа   алахәылацәа    алархәны.

Убасгьы Рауль Ҳаџьымбеи, Анатоли Бибилови амшын аҧшаҳәаҿы инеиааит. Иаҭааит Владислав Арӡынба ихьӡ зху Ахьӡ-Аҧша амузеи.

Имҩаҧысит Аҧсны аҳәынҭқарра ахада Рауль Ҳаџьымбеи Аахыҵ Уаҧстәыла ахада Анатоли Бибилови реиҧылара. Рауль Ҳаџьымба Бибилов бзиала уаабеит ҳәа иаҳәо, даҽазныкгьы идиныҳәалеит Аахыҵ Уаҧстәыла ахадас иалхра.

Аҧсны Ахада иазгәеиҭеит, ҩ-ҳәынҭқаррак  реизыҟазаашьа аҿиара амҩа ишану, Аахыҵ Уаҧстәыла ахада Анатоли Бибилов ари аус аҿы илагала шмаҷым. Бибилов иганахь алагьы инаҵшьны иҳәан, ҩ-ҳәынқаррак жәытә-натә аахыс аиҩызара шрыбжьоу. Анатоли Бибилов  Аҧсны аҳәынқарра ахада Аахыҵ Уаҧстәылаҟа ааҧхьара ииҭеит.

Ҩ-ҳәынҭқаррак рхадацәа реиҧылара анаҩс, имҩаҧган инеиҵыху ҩ-ганктәи аиҧылара. Аҧсни,  Аахыҵ- Уаҧстәылеи рхаҭарнакцәа рылацәажәеит аҳәынҭқаррақәа  русеицуреи реизыҟазаашьақәеи ҧхьаҟатәи рҧеиҧши,  рыҿиаратә мҩеи. Аилацәажәара анхыркәшаха,  ҩ-ҳәынҭқаррак рыдәныҟатәи аусқәа рминистрцәа Даур Ақаҩбеи,  Дмитри Медоеви рнапы аҵарҩит аминистррақәа русеицура атәы зҳәо аконсультациақәа рыплан.
  
Аҧсны Ауаажәларратә палата амаӡаныҟәгаҩ Наҭелла Акабеи Уаҧстәыла ауаажәларратә палата амаӡаныҟәгаҩ Анатоли Џьиџьоеви   убасгьы  рнапы аҵарҩит  аусеицуразы Аиқәшаҳаҭра.
Анаҩс Рауль Ҳаџьымбеи Анатоли Бибилови амассатә информациа ахархәагақәа русзуҩцәа рзы имҩаҧыргеит апресс-конференциа. Ажурналистцәа зызҿлымҳаз азҵаарақәа иреиуан ҩ-ҳәынҭқаррак ганрацәалатәи  русеицура ахырхарҭақәа. Зегь раҧхьа иргыланы нап зларкуа аусқәа.

Аахыҵ Уаҧстәыла Ахада Анатоли Бибилов Аҧсны иофициалтә визит хыркәшахоит уаҵәы.

Н.Ақаҩба , Л.Адлеиба, Б.Аџьынџьал , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
141
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
125
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
149
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
115
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
95
15 Август 2018
77
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК